بۇگىن رەسپۋبليكامىزدىڭ كەيبىر ايماقتارىندا تۇمان بولۋى مۇمكىن

بۇگىن, 25 ناۋرىز كۇنى ەلىمىزدىڭ جەكەلەگەن ايماقتارىنا تۇمان ءتۇسىپ, كوكتايعاق بولۋى ىقتيمال. بۇل تۋرالى «قازگيدرومەت» كاسىپورنى حابارلادى. «اتموسفەرالىق وزگەرىستەرگە بايلانىستى شىعىستا جانە وڭتۇستىك پەن قيىر سولتۇستىكتە اۋا رايى قۇبىلمالى بولادى. سونداي-اق, كەي وڭىرلەردە جاۋىن-شاشىن بولىپ, جەل كۇشەيەدى جانە تۇمان ءتۇسىپ, كوكتايعاق بولادى»,-دەلىنگەن حابارلامادا. اتالمىش كاسىپورىننىڭ مالىمەتىنشە, بۇگىن تاڭەرتەڭ شىعىس قازاقستان, جامبىل, وڭتۇستىك قازاقستان, اقمولا, ماڭعىستاۋ, سولتۇستىك قازاقستان, قوستاناي, باتىس قازاقستان مەن قاراعاندى وبلىستارىنا تۇمان تۇسكەن. وسى وڭىرلەردە كۇندىز جەلدىڭ ەكپىنى سەكۋندىنا 15-20 مەترگە دەيىن جەتكەن كورىنەدى. سينوپتيكتەر جوعارىدا اتاپ وتىلگەن ءوڭىر تۇرعىندارىنا ساقتىق شارالارىنا مۇقيات بولۋ قاجەتتىگىن ەسكەرتەدى. ءامىرحان الماعانبەتوۆ. دەرەككوز: «قازگيدرومەت». فوتو: Total.kz.