الماتىدا ورىن العان جاپپاي تارتىپسىزدىك كەزىندەگى وقيعالاردى قالالىق پوليتسيا دەپارتامەنتىنىڭ باسشىسى قانات تايمەردەنوۆ قر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا مالىمدەدى, دەپ جازادى Egemen.kz.
«وسى كۇنگە دەيىن ارنايى ورگانداردىڭ قىزمەتكەرلەرى, اسكەريلەرمەن بىرلەسىپ, قالانى تازارتۋ بويىنشا لاڭكەستىككە قارسى شارالار جۇرگىزۋدە.
تارتىپسىزدىك كەزىندە 356 كولىك زاقىمداندى. ونىڭ ىشىندە 163-ءى پوليتسيا قىزمەتتىك كولىگى. شۇعىل تۇردە مالىمدەمەلەر بازاسى جينالدى. 102 سيگنالدارعا جاۋاپ بەرۋ قىزمەتى قالپىنا كەلتىرىلدى. شاقىرتۋلارعا كۇشەيتىلگەن پاترۋلدىك جاساقتار جىبەرىلەدى. بۇگىنگى تاڭدا قالادا جاعداي تۇراقتى. كوممۋنالدىق نىساندار مەن تىرشىلىكتى قامتاماسىز ەتۋ جۇيەسى قالپىنا كەلتىرىلۋدە», دەدى قانات تايمەردەنوۆ.
سونداي-اق, قالالىق پوليتسيا دەپارتامەنتىنىڭ باسشىسى تۇرعىنداردى ءماجبۇرلى شەكتەۋلەرگە شىدامدىلىق تانىتىپ, ساقتىق شارالارىن ساقتاۋعا شاقىردى.