«ال رايان» فۋتبول كلۋبىنىڭ ويىنشىسى, كولۋمبيالىق شابۋىلشى حامەس رودريگەس «ال ۆاكرۋ» فۋتبول كلۋبىنىڭ قورعاۋشىسى ۋسمان كۋليباليدى ولىمنەن قۇتقارىپ قالدى, دەپ حابارلايدى Egemen.kz.
كاتار چەمپيوناتىنىڭ ون ءۇشىنشى تۋرى اياسىندا وتكەن ويىننىڭ ءبىرىنشى كەزەڭىندە كۋليبالي تالىپ قالدى. وسى ساتتە مەيىربيكەلەردەن بۇرىن كومەك قولىن سوزعان حامەس رودريگەس فۋتبولشىنىڭ باسىن بۇرىپ ۇلگەرگەن. حامەس وسىنداي قادامعا بارماعاندا كۋليباليدىڭ قايتىس بولۋى مۇمكىن ەدى. ويىننان كەيىن فۋتبولشى جۇرەك تالماسى دەرتىنە شالدىققانى بەلگىلى بولعان. قازىر ونىڭ جاعدايى تۇراقتى.