بۇدان بۇرىن گازەتىمىزدە پەتروپاۆل جوعارى اسكەري ينستيتۋتىنىڭ كۋرسانتى سوبير بازارباەۆتىڭ وت-جالىنعا ورانعان ۇيدەن مۇگەدەك جاندى امان-ەسەن الىپ شىققانى جايلى جازعان بولاتىنبىز.
ەندى جۋىردا جوعارى وقۋ ورنىنىڭ وقىتۋشىلار قۇرامىنىڭ, كۋرسانتتاردىڭ, كۇشتىك قۇرىلىم باسشىلارىنىڭ قاتىسۋىمەن ءومىر مەن ءولىم بەتتەسكەن ساتتە ەرجۇرەكتىك پەن جانقيارلىق كورسەتكەن بولاشاق وفيتسەرگە لايىقتى قۇرمەت كورسەتىلدى. ول توتەنشە جاعدايلار ءمينيسترىنىڭ بۇيرىعىمەن «توتەنشە جاعدايداعى ەرلىگى ءۇشىن» كەۋدەبەلگىسىمەن ماراپاتتالىپ, ناگرادانى ورتكە قارسى قىزمەت كوميتەتى توراعاسى سەرىك اۋباكىروۆ سالتاناتتى تۇردە تاپسىردى. گەنەرال-مايور ماراپاتتالۋشىنىڭ جوعارى مورالدىق قاسيەتتەرىن باعالاي كەلىپ, پاتريوتتىق, ازاماتتىق بورىش جانە جانىنداعىلارعا قولۇشىن بەرە بىلەتىن رۋحتا تاربيەلەگەندەرى ءۇشىن اتا-انالارىنا العىسىن جەتكىزدى. مۇنداي باتىل ارەكەت بارلىق كۇش ۆەدومستۆولارى قىزمەتكەرلەرى ءۇشىن ۇلگى بولىپ تابىلادى.
ول, سونداي-اق, «ىشكى اسكەرلەر قىزمەتىنىڭ ۇزدىگى» توسبەلگىسىمەن دە ماراپاتتالدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.