مەملەكەتىمىزدىڭ باسشىسى قاسىم-جومارت توقاەۆ بارلىق بيلىك تەتىكتەرىن جانە ەلدەگى ورىن العان جاعداي بويىنشا جاۋاپكەرشىلىكتى قولىنا الدى.
قاراپايىم حالىقتىڭ تالاپ-تىلەگى ورىندالدى, گاز باعاسى تومەندەپ, جانار-جاعارماي رەتتەلدى. ۇكىمەت وتستاۆكاعا كەتتى, قۇرامىندا دا وزگەرىستەر بولادى.
پرەزيدەنت كۇردەلى رەفورمالاردى باستايتىنىن ايتىپ جاتىر. قوردالانعان الەۋمەتتىك-ەكونوميكالىق, ساياسي ماسەلەلەر كەزەڭ-كەزەڭىمەن شەشىلەتىنى انىق.
وكىنىشكە قاراي, ەلىمىزدىڭ بىرقاتار ايماقتارىندا راديكالدى توپتار ءتارتىپ بۇزىپ, قالا ينفراقۇرىلىمىنا, شاعىن جانە ورتا بيزنەسكە زالال كەلتىردى, سونىمەن قاتار ازاماتتاردىڭ ءومىرى مەن دەنساۋلىعىنا قاۋىپ-قاتەر ءتوندىرىپ جاتىر. حالىق اراسىندا تەرىس ۇندەۋلەر جۇرگىزىلۋدە. بۇل جاعدايلاردىڭ ۇشىقپاۋى ءۇشىن قۇقىق قورعاۋ ورگاندارى ءتيىستى شارالار جاساپ, الدىن الۋدا. قازىر پوليتسيا جانە باسقا دا زاڭ ساقشىلارى كۇشەيتىلگەن رەجيمدە جۇمىس ىستەۋدە.
پرەزيدەنت ءوزىنىڭ حالىققا جاساعان ۇندەۋىندە قازاقستاندىقتاردى ىشتەن جانە سىرتتان بولعان جالعان اقپاراتقا سەنبەۋدى, تارتىپسىزدىكتەرگە ەرمەۋدى, پاراسات پەن اقىلمەن عانا شەشىم قابىلداۋعا شىقىرىپ وتىر. سونىمەن قاتار, جاستارعا جارقىن بولاشاقتارىنا بالتا شاپپاۋىن, جاقىندارى مەن تۋىستارىنىڭ جاعدايىن ويلاۋ كەرەكتىگىن باسا ايتۋدا.
مەنىڭ بارلىق سانالى ازاماتقا ايتارىم, ارعى ارنالاردان كەلە جاتقان اتا-بابالارىمىزدىڭ ەلدىك پەن ەرلىك سالتقا ادال بولعانىمىز ءجون. جاستاردىڭ ارانداپ قالۋىنىڭ الدىن الۋعا ۇلەس قوسايىق.
راقىمجان تۇرىسبەك,
ەۇۋ-دىڭ پروفەسسورى