قارا شاڭىراق

جاھاندىق يگى ىستەردىڭ ۇيىتقىسىنا اينالدى

ءال-فارابي اتىنداعى قازاق ۇلتتىق ۋنيۆەرسيتەتىندە بۇۇ «اكادەميالىق ىقپال» باعدارلاماسىنىڭ عالامدىق حابىن اشۋ سالتاناتى بولىپ ءوتتى. قازاق مەملەكەتىنىڭ بىرىككەن ۇلتتار ۇيىمىنا مۇشەلىككە قابىل­دانعان كۇنى قارساڭىندا جەتكەن جاعىمدى جاڭالىق – ءال-فارابي ۋني­ۆەرسيتەتى عىلىم مەن ءبى­لىم سالا­سىنداعى حالىقارالىق كوش­­­باس­شى وقۋ ورداسى رەتىندە تانىلىپ وتىر. بۇۇ-نىڭ الەمدىك مويىنداۋعا جانە جۇزەگە اسىرۋعا يە بولعان ادام قۇقىعى, ساۋاتتىلىق, تۇراقتى دامۋ مەن قاقتىعىستاردى بەيبىت جولمەن شەشۋ پرينتسيپتەرىنە نەگىزدەلگەن «اكا­دەميالىق ىق­پال» باعدارلاماسىنا قازاق ۋني­ۆەر­سي­تەتىنىڭ ورتالىق ازيا ەلدەرى جوعارى وقۋ ورىندارىنىڭ ىشىندە ءبىرىنشى بولىپ قوسىلۋى ەل ومىرىندەگى ەلەۋلى وقيعا دەسەك بولادى. وعان «Global Classroom» باعدارلاماسىن بەلسەندى جۇرگىزگەنى سەپ بولىپ وتىر. ۋنيۆەرسيتەت رەكتورى عالىمقايىر مۇتانوۆ سالتاناتتى شارا بارىسىندا جيىلعان كوپشىلىككە بۇۇ باس حاتشىسى پان گي مۋننىڭ, قازاقستان رەس­پۋبليكاسى پارلامەنتى سەناتىنىڭ ءتور­­­اعاسى قاسىم-جومارت توقاەۆتىڭ, بۇۇ جانىنداعى قازاقستان رەس­پۋب­لي­­­­كاسىنىڭ تۇراقتى وكىلى قايرات ءابدىراحمانوۆتىڭ وسى يگى شاراعا وراي جولداعان جەدەلحاتتارىن وقىپ بەردى. سونداي-اق, سىرتقى ىستەر مينيستر­لىگىنىڭ ەرەكشە تاپسىرمالار بويىنشا ەلشىسى, وتانىمىزدىڭ بۇۇ-داعى العاشقى تۇراقتى ەلشىسى اقمارال ارىستانبەكوۆا, قازاقستانداعى بۇۇ حاتشىلىعىنىڭ قوعامدى اقپارات­تاندىرۋ باسقارماسىنىڭ وكىلى ۆلاس­­­تي­ميل سامەك مىرزالار ۋنيۆەرسيتەت وقىتۋشىلارى مەن ستۋدەنتتەر الدىندا ءسوز سويلەدى. وسى ورايدا ايتا كەتەتىن تاعى ءبىر جاعىمدى جاڭالىق, الداعى مامىر ايىندا قازۇۋ-دە الەمدىك دەڭگەيدەگى ءىىى ازيا ۋنيۆەرسيتەتتەرى رەكتورلارىنىڭ ۇلكەن فورۋمى وتەدى. ول ازيا ايما­­­عىن­داعى قاۋىپسىزدىك پەن جارقىن بولاشاق ءۇشىن ينتەگراتسيالىق ۇدەرىستىڭ مىقتى قوز­­عاۋشى كۇشى بولادى دەپ جوسپارلانۋدا. قانات ەسكەندىر, «ەگەمەن قازاقستان». الماتى.