اۋعانستان پرەزيدەنتى اقش كەلىسىم-شارتىنان باس تارتتى

اۋعانستان پرەزيدەنتى حاميد كارزاي اقش-پەن قاۋىپسىزدىك جونىندەگى كەلىسىم-شارتقا قول قويمايتىنىن مالىمدەدى. بۇل تۋرالى يتار-تاسس حابارلادى. اتالمىش كەلىسىم-شارتقا سايكەس, اقش 2014 جىلدان كەيىن دە ءوز اسكەرىن اۋعانستان اۋماعىنا كىرگىزۋى كەرەك بولاتىن. «بەيبىتشىلىك پروتسەسى باستالماي مەن بۇل كەلىسىمشارتقا قول قويا المايمىن», – دەدى اۋعانستان پرەزيدەنتى «The Washington Post» گازەتىنە بەرگەن سۇحباتىندا. ول سونداي-اق 2001 جىلدىڭ سوڭىندا اۋعانستاندا باستالعان اقش وپەراتسياسىن سىنعا الدى. «اقش قارۋلى كۇشتەرى اۋعانستانعا كەلگەندەگى نەگىزگى ماقساتىن ورىنداي المادى, ولار ەلدە بەيبىتشىلىك ورناتۋى ءتيىس بولاتىن», – دەدى حاميد كارزاي. بۇدان بۇرىن, اۋعانستاندا ورنالاسقان اقش اسكەرىنىڭ 34 مىڭى 2014 جىلدىڭ اقپان ايىندا, ال نەگىزگى بولىگى جىلدىڭ سوڭىندا ەل اۋماعىن بوساتادى دەپ جوسپارلانعان ەدى. ايدار ورىسباەۆ. دەرەككوز: Itar-tass.com. فوتو: Reuters.com.