مەملەكەت باسشىسى نۇرسۇلتان نازارباەۆ فينليانديا پارلامەنتىنىڭ توراعاسى ەەرو حەينيالۋومامەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋدە ەكىجاقتى ىنتىماقتاستىق پەرسپەكتيۆالارى, سونداي-اق, حالىقارالىق كۇن تارتىبىندەگى وزەكتى ماسەلەلەر تالقىلاندى.
نۇرسۇلتان نازارباەۆ فينليانديا پارلامەنتى توراعاسىنىڭ العاشقى ساپارىنا ءىلتيپاتىن بىلدىرە كەلىپ, بۇل ەلمەن قازاقستان ەكونوميكالىق جانە ساياسي ىنتىماقتاستىقتى دامىتۋعا ءمۇددەلى ەكەنىن اتاپ ءوتتى.
– قازىرگى ۋاقىتتا ءوزارا ءتيىمدى ىنتىماقتاستىعىمىزدى ودان ءارى دامىتۋ ءۇشىن ەكى ەل پارلامەنتتەرى قاراۋعا ءتيىس بىرقاتار كەلىسىمدەر بار. فينليانديانىڭ سوڭعى جىلدارى قول جەتكىزگەن جەتىستىكتەرى ءتانتى ەتەدى جانە ءبىز ءبىلىم بەرۋ, جاڭا تەحنولوگيانى دامىتۋ مەن ەنگىزۋ سالاسىنداعى سىزدەردىڭ تاجىريبەلەرىڭىزدى قابىلداۋعا دايىنبىز. ءبىزدىڭ يندۋستريالىق-يننوۆاتسيالىق باعدارلامامىز بىرقاتار فين كومپانيالارىنىڭ قازاقستاندا جۇمىس ىستەۋىنە ءمۇمكىندىكتەر بەرەدى, – دەدى مەملەكەت باسشىسى.
ە.حەينيالۋوما ەكى ەل اراسىنداعى قارىم-قاتىناستىڭ جوعارى دەڭگەيدە ەكەنىن اتاپ ءوتتى جانە فينليانديا پرەزيدەنتى س.ءنينيستيونىڭ سالەمىن جەتكىزدى. سونداي-اق, فينليانديا پارلامەنتىنىڭ توراعاسى بيزنەس سالاسىنداعى ىنتىماقتاستىقتىڭ الەۋەتىنە توقتالدى.
– كوپتەگەن فين كومپانيالارى ەنەرگيا ۇنەمدەۋشى جانە ەنەرگيا جاعىنان ءتيىمدى «تازا» تەحنولوگيالارمەن, سونداي-اق, «جاسىل» تابيعي رەسۋرستار وندىرۋمەن اينالىسادى, ول جاعدايدا تابيعات ب ۇلىنبەگەن كۇيىندە ساقتالادى, – دەدى ە.حەينيالۋوما. سونىمەن قاتار, ول «Finnair» فينليانديا ۇلتتىق اۆياتاسىمالداۋشىسى استانا مەن حەلسينكي اراسىندا تىكەلەي رەيستەردى جۇزەگە اسىرۋعا دايىن ەكەنىن حابارلادى.
بۇعان قوسا, فينليانديا پارلامەنتىنىڭ توراعاسى ءوز ەلىنىڭ قازاقستان پرەزيدەنتىنىڭ باستاماسى بولىپ تابىلاتىن «جاسىل كوپىر» سەرىكتەستىك باعدارلاماسى تۋرالى حارتياعا قوسىلاتىنى جونىندەگى شەشىمى تۋرالى ايتتى.
سۋرەتتەردى تۇسىرگەندەر
س.بوندارەنكو, ب.وتارباەۆ.