قورداي اۋدانى ارقىلى وتەتىن الماتى-تاشكەنت كۇرە جولىندا «VanHool» ماركالى جولاۋشىلار اۆتوبۋسى مەن «Mercedes» شاعىن اۆتوبۋسى سوقتىعىسۋىنان 9 ادام وپات بولىپ, 11 ادام جاراقات الدى.
قايعىلى وقيعا الماتى-تاشكەنت كۇرە جولىنىڭ 175-ءشى شاقىرىمىندا 2 ناۋرىز كۇنى كەشكە جاقىن ورىن العان. جولاۋشىلار اۆتوبۋسىندا 53 ادام بولعان. ال جول-كولىك وقيعاسىنان شاعىن اۆتوبۋستىڭ قازا تاپقان جۇرگىزۋشىسى مەن سەگىز جولاۋشى قىرعىز ەلىنىڭ ازاماتتارى بولىپ شىقتى. جاراقاتتانعاندار اراسىندا دا قىرعىز جانە وزبەك ەلىنىڭ تۇرعىندارى بار.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.