«قازاگروماركەتينگ» اق-تىڭ مالىمەتى بويىنشا, وتاندىق شارۋالاردى قىزىقتىراتىن باستى اقپارات – بۇل اۋىلشارۋاشىلىق ءوندىرىسىن نەسيەلەۋ مەن سۋبسيديالاۋ باعدارلامالارى. قازاگروماركەتينگتىڭ سall-ورتالىعىنا حابارلاسقان شارۋالار ءدال وسى ساۋالداردى ءجيى قويادى.
2013 جىلدىڭ قورىتىندىلارى بويىنشا بايلانىس ورتالىعىنىڭ وپەراتورلارى 1200-گە جۋىق قوڭىراۋعا جاۋاپ بەرگەن, ساۋالداردىڭ 500-ءى مال شارۋاشىلىعى مەن وسىمدىك شارۋاشىلىعىنا نەسيە الۋ مەن تەحنيكا ليزينگىنە قاتىستى بولعان.
سونىمەن قاتار, قوڭىراۋ شالعانداردىڭ اراسىندا «اگروبيزنەس-2020» باعدارلاماسى اياسىندا نەسيەلەر مەن تەحنيكا ليزينگىن ارزانداتۋ جايىنداعى اقپارات جوعارى سۇرانىسقا يە بولدى.
مۇنىمەن قوسا قازاقستاندىق اگروونەركاسىپ سۋبەكتىلەرى وسىمدىك جانە مال شارۋاشىلىقتارىنا سۋبسيديا الۋ شارتتارى تۋراسىنداعى جانە اگرارلىق سالاعا قاجەتتى قۇرال-جابدىقتاردى, ارنايى حيميالىق زاتتاردى, تاعى باسقا كەرەك-جاراقتاردى ساتاتىن كاسىپورىندار تۋرالى اقپاراتقا مۇقتاج ەكەندىگى انىقتالدى. ايتا كەتەرلىگى, «قازاگروماركەتينگ» اق-تىڭ ەلىمىزدىڭ تۇكپىر-تۇكپىرىندەگى وكىلدىكتەرى اگرارلىق سالاداعى بارلىق كومپانيالار تۋرالى اقپاراتتى جيناپ, كەڭ اۋقىمدى دەرەك قورىن جاساپ شىعارعان بولاتىن.
ەستەرىڭىزگە سالاتىن بولساق, «قازاگروماركەتينگ» اق-تىڭ سall-ورتالىعى 2008 جىلى قۇرىلعان. بۇل جەلى ارقىلى اۋىلشارۋاشىلىق تاۋار وندىرۋشىلەرى اگرارلىق سالانى مەملەكەتتىك قولداۋ شارالارى جونىندەگى اقپاراتتى ءبىلىپ, «قازاگرو» حولدينگىنىڭ ەنشىلەس كاسىپورىندارى بەرەتىن جەڭىلدەتىلگەن نەسيەلەر تۋراسىنداعى مالىمەتتەرمەن قانىعا الادى. سونىمەن قاتار, اگروونەركاسىپ كەشەنى ءۇشىن قاجەتتى بارلىق ماتەريالدىق-تەحنيكالىق رەسۋرستار مەن قىزمەت تۇرلەرىن ۇسىناتىن جەكەمەنشىك كومپانيالار جونىندەگى اقپارات جايىندا حاباردار بولۋ مۇمكىندىگى دە قاراستىرىلعان.
ايتا كەتەرلىگى, بۇل جەلىگە كەز كەلگەن وپەراتوردىڭ ۇيالى ءنومىرىنەن جانە ەلىمىزدىڭ كەز كەلگەن ايماعىنداعى ستاتسيونارلىق تەلەفوننان تەگىن حابارلاسۋعا بولادى. جەلىنى قۇرۋداعى باستى ماقسات – شارۋالاردىڭ اقپاراتتىق-كەڭىستىك قىزمەتتەرگە دەگەن قولجەتىمدىلىگىن ارتتىرۋ. بىلتىردان بەرى جەلىگە كەلىپ تۇسكەن ساۋالدار كۇرت ارتقان. مۇنىڭ سەبەبى, اۋىل شارۋاشىلىعى مينيسترلىگى جانە «قازاگرو» حولدينگى تاراپىنان قاراستىرىلعان مەملەكەتتىك قولداۋ قۇرالدارىنىڭ ارتۋى, جەلى تۋرالى اقپاراتتىڭ شارۋالارعا كوپتەپ جەتكىزىلۋىندە.
بايلانىس ورتالىعىنا حابارلاسقاندار قازاق-ورىس تىلدەرىندە اقپارات الا الادى. جەلى وپەراتورلارىنىڭ مالىمەتى بويىنشا, حابارالاسۋشىلاردىڭ 80%-دان استامى ساۋالدارىن مەملەكەتتىك تىلدە جولدايدى. بىلتىرعى مالىمەتكە سۇيەنسەك, جەلىگە ەڭ كوپ حابارلاساتىن ايماقتار – ول الماتى, وڭتۇستىك جانە شىعىس قازاقستان وبلىستارى.
«ەگەمەن-اقپارات».