«نۇر وتاننىڭ» 15 جىلدىعى قارساڭىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ ديپلوماتيالىق كورپۋس وكىلدەرىمەن كەزدەسۋى ءوتتى. كەزدەسۋ بارىسىندا ديپلوماتتار ەلباسى, «نۇر وتان» پارتياسىنىڭ ءتوراعاسى ن.ءا.نازارباەۆتىڭ ساياساتىنىڭ ارقاسىندا «قازاقستان-2050» ستراتەگياسىن جۇزەگە اسىرۋعا, پارتيانىڭ ىشكى ساياسي تۇراقتىلىقتى نىعايتۋعا, ازاماتتىق كەلىسىم مەن بىرىگۋگە باعىتتالعان جۇمىسى جونىندە جان-جاقتى ماعلۇمات الدى.
«نۇر وتان» پارتياسىنىڭ جەمىستى جۇمىسى بارىمىزگە ايان. ساپاعا ءمان بەرگەن جۇمىستىڭ ارقاسىندا ول حالىقتىڭ كەڭ قولداۋىنا يە بولدى. سوڭعى 15 جىلدا قازاقستان تەز جانە قارىشتاپ دامىپ كەلەدى, ياعني حالىقتىڭ ءال-اۋقاتى دا جاقسارا تۇسۋدە, وسىنىڭ ءبارى پارتيا مەن ونىڭ مۇشەلەرىنىڭ ەڭبەگى. «نۇر وتان» پارتياسى مەن ونىڭ مۇشەلەرىن 15 جىلدىعىمەن قۇتتىقتايمىن, رەسپۋبليكا مەن ەلدىڭ يگىلىگى ءۇشىن بۇرىنعىدان دا زور تابىستار تىلەيمىن!» – دەپ پارتيانىڭ اتىنا بايلانىستى ءوز لەبىزىن ءبىلدىردى موڭعوليانىڭ قازاقستانداعى توتەنشە جانە وكىلەتتى ەلشىسى جاعير سۋحۋەە.
«نۇر وتان» پارتياسىن گەرمانيا فەدەراتيۆتىك رەسپۋبليكاسىنىڭ توتەنشە جانە وكىلەتتى ەلشىسى حيدو حەرتس تە قۇتتىقتادى: «نۇر وتان» پارتياسىن 15 جىلدىعىمەن قۇتتىقتايمىن! ماعان «نۇر وتان» پارتياسىنىڭ تسەنتريستىك باعىت ۇستاناتىنى ۇنايدى. بۇل – پارتيانىڭ ەلدىڭ ساياسي ومىرىنە بەلسەنە ارالاسۋداعى ۇزدىك ءتاسىلى. مەملەكەت باسشىسى, پارتيا توراعاسى نۇرسۇلتان ءابىش ۇلى نازارباەۆقا پارتيانىڭ 15 جىلدىق جەمىستى جۇمىسىنا بايلانىستى ءوز قۇتتىقتاۋىمدى بىلدىرگىم كەلەدى!» – دەدى ح.حەرتس.
ديپلوماتيالىق كورپۋستىڭ وكىلدەرى اشىقتىق, ەسەپتىلىك, تيىمدىلىك پەن جاۋاپكەرشىلىك ۇستانىمىنا نەگىزدەلىپ قۇرىلعان جاڭا ۇلگىدەگى «نۇر وتان» پارتياسىنىڭ جۇمىسىمەن تانىستى. كەزدەسۋگە كەلگەندەر رەسپۋبليكالىق قوعامدىق قابىلداۋدىڭ جۇمىسى, ىسكە قوسىلعان «ەلەكتروندىق پارتيا» جوباسى جايلى حابارلاندى. ديپلوماتتار ازاماتتارعا قابىلداۋ جۇرگىزەتىن ءبولمەلەر مەن سيتۋاتسيالىق ورتالىقتا بولدى. ەلىمىزدە بارلىعى 240 قوعامدىق قابىلداۋ بولمەلەرى جۇمىس ىستەيدى, وتكەن جىل بارىسىندا وعان 800 مىڭ ادام جۇگىنگەن, ولاردىڭ 130 مىڭى مەملەكەتتىك ورگاندارعا جىبەرىلدى.
حV سەزدە قابىلدانعان پارتيانىڭ جاڭا ساياسي دوكتريناسى «نۇر وتاننىڭ» ەل ىشىندە عانا ەمەس, سونىمەن قاتار, شەتەلدەردە دە نەعۇرلىم تياناقتى جانە ءتيىمدى ورنىن تابۋىنا مۇمكىندىك تۋعىزدى. پارتيانىڭ يدەولوگيالىق تۇعىرناماسى – تسەنتريستىك, باسقا پارتيالارمەن قاتىناستى قالىپتاستىرا وتىرىپ, جاڭا يدەولوگيالىق باعىتتا حالىقارالىق ىنتىماقتاستىقتى جۇيەلەۋگە كومەكتەسەدى.
«ەگەمەن-اقپارات».