قاراعاندى وبلىسى بويىنشا مەملەكەتتىك ساۋلەت-قۇرىلىستىق باقىلاۋ جانە ليتسەنزيالاۋ دەپارتامەنتىنىڭ باس مامانى ۇستىنەن 25 قىلمىستىق ءىس قوزعالدى. بۇل تۋرالى «حابار» تەلەارناسى حابارلادى.
ەستەرىڭىزگە سالا كەتسەك, وتكەن جىلى ,بۇل شەنەۋنىك جۇمىس ورنىندا پارا الۋ كەزىندە قولعا تۇسكەن بولاتىن. ول سول كەزدە كاسىپكەرگە قۇرىلىس ليتسەنزياسىن 500 مىڭ تەڭگەگە ساتپاق بولعان. ناقتى ايتقاندا, قارجى پوليتسياسىنىڭ قىزمەتكەرلەرى ونىڭ زاڭسىز اقشا جيناعانىن, سول قوماقتى قارجىنى ءوزىنىڭ جەكە فەرمەرلىك شارۋاشىلىعىن دامىتۋعا جۇمساعانىن انىقتادى. بىراق, اتالعان شارۋاشىلىقتى تۋىسىنىڭ اتىنا جازدىرىپتى.
جالپى, ول پارا الۋ, الاياقتىق, لاۋازىمىن اسىرا پايدالانۋ مەن كاسىپكەرلىك قىزمەتكە زاڭسىز ارالاسۋ ارەكەتتەرى بويىنشا قاماۋعا الىندى.
«جەدەل ىزدەستىرۋ شاراسى كەزىندە وتكەن جىلدىڭ قىركۇيەك پەن قازان ايى ارالىعىندا توقمىرزاەۆتىڭ جەكە كاسىپكەرلەردەن 2 ملن.108 مىڭ تەڭگە العانى ءمالىم بولدى. ول بۇل قاراجاتتى تەكسەرۋ قورىتىندىسىنا وڭ شەشىم شىعارۋ ءۇشىن جانە قۇرىلىس مونتاج جۇمىسىنا ليتسەنزيا بەرۋ ماسەلەسىن شەشۋ ءۇشىن تالاپ ەتكەن», - دەيدى قاراعاندى وبلىسى بويىنشا قارجى پوليتسياسىنىڭ ءباسپاسوز حاتشىسى گۇلجان سۇلەيمەنوۆا.
ءامىرحان الماعانبەتوۆ.
دەرەككوز: «حابار» تەلەارناسى.
فوتو: Tengrinews.kz.