قازاقستاننىڭ فۋتبول فەدەراتسياسىنىڭ الاڭداردى تەكسەرۋ كوميسسياسىنىڭ شەشىمىمەن OLIMPBET-قازاقستان كۋبوگىنىڭ ½ فينال «شاحتەر» - «توبىل» ويىنىن قاراعاندى قالاسىنداعى «شاحتەر» ستاديونىندا وتكىزۋگە تىيىم سالىندى, دەپ حابارايلادى Egemen.kz قازاقستاننىڭ كاسىپقوي فۋتبول ليگاسىنا سىلتەمە جاساپ.
«شاحتەر» ستاديونىندا جاساندى الاڭنىڭ جىلىتۋ جۇيەسى تولىق كولەمدە جۇمىس ىستەمەيدى. سونىمەن قاتار الاڭنىڭ تۇيىرشىكتەرىنىڭ كولەمى تالاپقا ساي كەلمەيتىنى انىقتالدى, اتالمىش فاكتورلار سوققىنىڭ امورتيزاتسياسى مەن دوپتىڭ سەرپىلىسىنە كەرى اسەرىن تيگىزەدى.قازىرگى ۋاقىتتا اۋا رايى قولايسىزدىعى مەن جاۋىن-شاشىن مولشەرىنىڭ ارتىقتىعىنا بايلانىستى, سونىمەن قاتار فۋتبول الاڭىنىڭ قاتۋى مەن جىلىتۋ جۇيەسىنىڭ ءالسىز جۇمىسىن ەسكەرە وتىرىپ, كوميسسيا قاراعاندىداعى «شاحتەر» ستاديونى ماتچتاردى وتكىزۋگە قويىلاتىن تالاپتارعا سايكەس كەلمەيدى جانە ويىنشىلاردىڭ جاراقات الۋ قاۋپى بار دەگەن قورىتىندى شىعاردى.كوميسسيانىڭ شەشىمى بويىنشا «شاحتەر» - «توبىل» ويىنى باسقا ستاديوندا وتەدى.