اتىراۋ وبلىسى بويىنشا رەۆيزيا كوميسسياسىنىڭ جاڭا توراعاسى بولىپ راۆيل تولەباەۆ تاعايىندالدى, دەپ حابارلايدى Egemen.kz «اقجايىق» باسىلىمىنا سىلتەمە جاساپ.
ر.تولەباەۆ 1982 جىلى تۋعان. 2003 جىلى حالەل دوسمۇحامەد ۇلى اتىنداعى اتىراۋ ۋنيۆەرسيتەتىن «ەكونوميست-قارجىگەر» ماماندىعى بويىنشا, 2009 جىلى سول ۋنيۆەرسيتەتتە زاڭگەر ماماندىعىن الدى. ەڭبەك جولىن 2003 جىلى اتىراۋ وبلىسى اۋىل شارۋاشىلىعى باسقارماسىنىڭ باس مامانى بولىپ باستادى. ءارى قاراي اتىراۋ وبلىسى بويىنشا قارجىلىق باقىلاۋ جانە مەملەكەتتىك ساتىپ الۋ باسقارماسىنىڭ مامان-باقىلاۋشىسى, اتىراۋ وبلىسى بويىنشا قارجىلىق باقىلاۋ ينسپەكتسياسى ءبولىمىنىڭ باستىعى, قارجىلىق باقىلاۋ كوميتەتىنىڭ ساراپشىسى, قارجىلىق مونيتورينگ كوميتەتىنىڭ ساراپشىسى بولىپ جۇمىس ىستەدى.
2015-2019 جىلدارى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ باس كەڭەسشىسى, باس ساراپشىسى, ديرەكتوردىڭ ورىنباسارى, ديرەكتورى, جامبىل وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ ديرەكتورى, ادەپ جونىندەگى كەڭەس توراعاسى قىزمەتتەرىن اتقاردى.
2019 جىلدان وسى تاعايىنداۋعا دەيىن قر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى باستىعىنىڭ ءبىرىنشى ورىنباسارى بولدى.