قازاقستان ارمياسىندا قر پرەزيدەنتى – قارۋلى كۇشتەردىڭ جوعارعى باس قولباسشىسىنىڭ تاپسىرماسى بويىنشا جۇرگىزىلەتىن تەكسەرۋ شەڭبەرىندە كاسپي تەڭىزى اكۆاتورياسىندا اسكەري-تەڭىز كۇشتەرىنىڭ كورابلدىك توبى اسكەري قاۋىپسىزدىكتى قامتاماسىز ەتۋ جونىندەگى ءىس-شارالاردى ورىندادى, دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
پراكتيكالىق ءىس-قيمىلدارعا «قازاقستان», «ورال», «سارىارقا», «ماڭعىستاۋ» زىمىران-ارتيللەريالىق كەمەلەرى, «الاتاۋ» مينا-ترالدىق كەمەسى, «جايىق» گيدروگرافيالىق كەمەسى, جىلدام جۇرەتىن قايىقتار مەن كاتەرلەردەگى جاۋىنگەرلىك جۇزۋشىلەر جاساعى تارتىلدى. مانەۆرلەرگە بارلىعى 600-گە جۋىق تەڭىزشى, ونىڭ ىشىندە مەرزىمدى قىزمەتتەگى اسكەري قىزمەتشىلەر قاتىسادى.
ارنايى اسكەري وپەراتسيا بارىسىندا كاسپي تەڭىزىنىڭ قازاقستاندىق سەكتورىندا تەڭىز ەكونوميكالىق قىزمەت وبەكتىلەرىن كۇزەتۋ جانە قورعاۋ ۇيىمداستىرىلدى, جاعالاۋداعى قۇرلىق اسكەرلەرىنىڭ ءىس-قيمىلدارىن قولداۋ قامتاماسىز ەتىلدى. پلاتسدارمدى باسىپ الۋ جانە ونى وتپەن جابۋ ءۇشىن اتۋ ءۇشىن تاكتيكالىق تەڭىز دەسانتى قوندى. اۆياتسيامەن, زىمىران اسكەرلەرى جانە ارتيللەريا بولىمشەلەرىمەن ءوزارا ءىس-قيمىلدا تەڭىز جاعالاۋىنىڭ دەسانتقا قارسى قورعانىسىن ۇيىمداستىرۋ جونىندەگى مىندەتتەر پىسىقتالدى.