اقپاننىڭ 5-ءى مەن 14-ءى ارالىعىندا پارلامەنت سەناتىنىڭ دەپۋتاتتارى ءماجىلىس دەپۋتاتتارىمەن بىرلەسە وتىرىپ, ەلىمىزدىڭ ايماقتارىنا جۇمىس بابىنداعى ساپارعا شىعادى. باستى ماقسات – پرەزيدەنت ن.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» حالىققا جولداۋىن ءتۇسىندىرۋ.
پارلامەنتشىلەر جەرگىلىكتى حالىقپەن, ەڭبەك ۇجىمدارىمەن جانە بيزنەس وكىلدەرىمەن كەزدەسۋلەر وتكىزەدى. دەپۋتاتتار مەملەكەت باسشىسىنىڭ حالىققا جولداۋىن زاڭنامالىق تۇرعىدا قامتاماسىز ەتۋ جانە وسى قۇجاتتىڭ ەرەجەلەرىن ىسكە اسىرۋ ماسەلەلەرىن تالقىعا سالادى, دەپ حابارلادى سەناتتىڭ ءباسپاسوز قىزمەتى.