• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
04 اقپان, 2014

ءححىى قىسقى وليمپيادانىڭ باستالۋىنا 3 كۇن قالدى

241 رەت
كورسەتىلدى

دۇنيە دوداسىنىڭ ءدۇبىرى

– ءابىل بەكەت ۇلى, شايبالى حوككەيدەن قىزدار جانە ەرلەر كومانداسى جولداماسىز قالدى. ءبىز سوچيدەن قانداي ناتيجە كۇتەمىز؟ – الدىن الا پالەن مەدال الامىز, كوماندالىق ەسەپتە جاقسى ناتيجە كۇتەمىز دەۋ ابەستىك بولار. ويتكەنى, سپورتتا كۇتپەگەن وقيعالار بولىپ جاتادى. كەيدە قولدا تۇرعان مەدالدىڭ سىرعىپ كەتكەنىن اڭعارماي قالاسىز. شى­عىس قازاقستان وبلىسى بويىنشا سوچيدەگى ءححىى قىسقى وليم­پيا­داعا كانديدات رەتىندە 29 سپورتشى ىرىكتەلىپ الىنعان. ءوڭىر باسشىسى, سپورتقا ەرەكشە جاعداي جاسايتىن بەردىبەك ساپارباەۆ ولارعا بارىنشا كومەك كورسەتۋ جونىندە تاپسىرما بەرگەن. اتاپ ايت­ساق, ولاردىڭ بارلىعىنا وب­لىس اكىمى 50 مىڭنان 300 مىڭ تەڭگەگە دەيىن ستيپەنديا تاعاي­ىن­دادى. التىن مەدالدان ءۇمىت­كەر شاڭعىشى الەكسەي پولتورا­نيننىڭ كومەكشىلەرى بار, وعان 2 «بۋران», ەكى قاردا جۇرەتىن شانا ساتىپ اپەردىك. مۇنىڭ الدىندا قازاقستان قۇراماسى بولگاريادا وقۋ-جاتتىعۋ جيىنىن وتكىزدى. شىعىستان باراتىن سپورتشىلار شاڭعى روللەرىنەن قازاقستاننىڭ شورتاندىدا وتكەن جازعى چەمپيوناتىندا باق سىنادى. الەكسەي بابىندا ەكەن, بۇل جارىستا توپ جاردى. ريددەرلىك سەرگەي چەرەپانوۆ تا جاقسى جۇگىردى. – سوچيدە ءبىز الەكسەي پول­تو­را­نيننەن ءۇمىت كۇتەمىز. ءوت­كەن جىلعى الەم كۋبوگى ءبا­سە­كەسىندە جەرلەسىمىز ون رەت, ونىڭ ىشىندە ءۇش رەت التىن, كۇمىس, قولا مەدالداردى يەلەندى. ىلە-شالا الەم چەمپيوناتىندا قا­تارىنان ەكى رەت قولانى ۋى­سىندا ۇستادى. امال بار ما, قولدا تۇرعان التىننان ايى­رى­لىپ قالعانىنا دا كۋا بول­دىق. سوناۋ 1994 جىلعى سمير­نوۆتىڭ التىنىنان بەرى 19 جىل ءوتىپتى... – ەندى العاشقى ساۋالعا ورا­لايىق. بۇگىنگى كۇنى 24 جولداما قولدا بار. شاڭعىشى گەننادي ماتۆيەنكو بىرەر كۇندە جول­داماعا يە بولادى دەگەن ويدا­مىز. فريس­تايلدان پاۆەل كولماكوۆ تا سوچيگە باراتىن بولدى. تاۋ شاڭعىسىنان يگور زاكۋرداەۆ پەن سنوۋبوردشى ۆالەريا تسوي دا وليمپياداعا ازىرلەنىپ جاتىر. «ارىق ايتىپ, سەمىز شىققانعا» نە جەتسىن! وليمپيادانىڭ التىنى ارمانىمىز. جاسىراتىنى جوق, ءبىز التىندى پولتورانيننەن كۇتە­مىز. بىراق كەيدە التىن قۇستىڭ قو­لىمىزعا كەلىپ تۇسە­تى­نىن ۇمىت­پاعان ءجون. وتكەن جىلى مانەرلەپ سىرعاناۋشى دەنيس تەن الەم چەم­پيوناتىنىڭ كۇمىسىن ولجالادى. نەگىزىندە, تەن التىن الۋعا ءتيىس بولاتىن. تورەشىلەر بۇرا تارتىپ التىندى باسقاعا ج ۇلىپ اپەردى. فريس­تايلدان حالىقارالىق دارە­جەدەگى يۋليا گالىشەۆا, دميتري رەيحارد, دميتري بارماشوۆ, داريا رىبالوۆا, تاعى باسقالار نامىستى قولدان بەرمەس دەگەن ويدامىز. كىم بىلەدى, اتى اتالعان فريستايلشىلاردىڭ ءبىرى مەدالعا يە بولىپ جاتسا, اسىعىمىز الشىسىنان تۋار ەدى. قازىر ولاردىڭ بارلىعى وسكە­مەندە جاتتىعىپ جاتىر. بىرەر كۇننەن كەيىن ساپارعا شىعا­رىپ سالامىز. وبلىس اكىمى بەر­دىبەك ماشبەك ۇلى جاقىندا سپورت­شىلارعا ساتتىلىك تىلەپ, باتاسىن بەرىپ, يۋليا مەن الەكسەيدەن مەدال كۇتەتىنىن ايتتى. دميتري رەيحاردتىڭ دا مەدال الۋعا مۇمكىندىگى بار. سنوۋبوردتان تۇڭعىش رەت وليمپيا ويىندارىنا قاتىسۋ مۇمكىندىگى تۋىپ وتىر. ۆالەريا تسويدى اكەسى جات­تىق­تىرادى. وتكەن جىلى ۆالەريا حالىقارالىق جارىستاردا تاماشا ناتيجە كورسەتتى. ءۇرجار اۋدانىنىڭ تۇلەگى, شاڭعىشى ەر­دوس احماديەۆتىڭ وليمپيادادا قازاق ەلىنىڭ كوك تۋىن ۇستاپ شى­عاتىنى ءبىز ءۇشىن ابىروي. بيات­­لونشى يان ساۆيتسكي, الەك­ساندر تريفونوۆ, سەرگەي ناۋ­ميك, ولگا پولتورانينا, تاۋ شاڭ­عى­سى­­نان يگور زاكۋرداەۆ, يرينا مو­لوستوۆا, شاڭعىدان ەلە­نا كو­لو­مينا, وكسانا ياتسكايا, اناس­تا­سيا سلو­نو­ۆا, تاعى باسقالار ەل نامى­­سىن قولدان بەرمەس دەگەن ويدامىز. اڭگىمەلەسكەن وڭداسىن ەلۋباي, «ەگەمەن قازاقستان».  وسكەمەن.
سوڭعى جاڭالىقتار