جىل سايىن ەلىمىزدىڭ بارلىق ءوڭىرىندەگى 1-7 سىنىپ وقۋشىلارى اراسىندا ءوتىپ كەلە جاتقان رەسپۋبليكالىق «زەردە» شىعارماشىلىق جوبالار جارىسى بيىل دا ءوز جالعاسىن تاپتى. توعىز رەت بولعان بۇل ءبىلىم سايىسىنا ۇيىتقى بولىپ كەلە جاتقان ءبىلىم جانە عىلىم مينيسترلىگى «دارىن» رەسپۋبليكالىق عىلىمي-پراكتيكالىق ورتالىعى ەكەنىن ايتا كەتسەك دەيمىز. كونكۋرستىڭ نەگىزگى ماقساتى, وقۋشىلاردىڭ اراسىنداعى تالانتتاردى تاۋىپ, ولاردىڭ شىعارماشىلىق, زەرتتەۋشىلىك بەلسەندىلىگىن ارتتىرا وتىرىپ, كەلەشەگىنە دۇرىس باعىت بەرۋ. ولاردىڭ ينتەللەكتۋالدى الەۋەتىن ارتتىرۋ دا نەگىزگى مىندەت بولىپ ەسەپتەلەدى.
جىل سايىن ەلىمىزدىڭ بارلىق ءوڭىرىندەگى 1-7 سىنىپ وقۋشىلارى اراسىندا ءوتىپ كەلە جاتقان رەسپۋبليكالىق «زەردە» شىعارماشىلىق جوبالار جارىسى بيىل دا ءوز جالعاسىن تاپتى. توعىز رەت بولعان بۇل ءبىلىم سايىسىنا ۇيىتقى بولىپ كەلە جاتقان ءبىلىم جانە عىلىم مينيسترلىگى «دارىن» رەسپۋبليكالىق عىلىمي-پراكتيكالىق ورتالىعى ەكەنىن ايتا كەتسەك دەيمىز. كونكۋرستىڭ نەگىزگى ماقساتى, وقۋشىلاردىڭ اراسىنداعى تالانتتاردى تاۋىپ, ولاردىڭ شىعارماشىلىق, زەرتتەۋشىلىك بەلسەندىلىگىن ارتتىرا وتىرىپ, كەلەشەگىنە دۇرىس باعىت بەرۋ. ولاردىڭ ينتەللەكتۋالدى الەۋەتىن ارتتىرۋ دا نەگىزگى مىندەت بولىپ ەسەپتەلەدى.
كونكۋرس ەرەجەسى بويىنشا ءجۇلدەگەرلەر ءۇش كەزەڭ نەگىزىندە انىقتالادى. ونىڭ بىرىنشىسىندە وقۋشىلاردىڭ ءوز وتانىن ءسۇيۋى, تۋعان ولكەسىن ارداقتاۋى, الدىڭعى تولقىننىڭ سەنىمىن اقتاۋ, تاعى باسقا. اتالعان كونكۋرسقا وتانىمىزدىڭ بارلىق ايماعىنان 306 جاس زەرتتەۋشىلەر قاتىستى. ولاردىڭ قاتارىندا نازارباەۆ زياتكەرلىك مەكتەپتەرىنىڭ دە باپتاعان ۇل مەن قىزدارى بولدى. كونكۋرسقا بەلگىلى عالىمدار, ادىسكەر مۇعالىمدەر قازىلىق ەتتى. وقۋشىلاردىڭ جاس ەرەكشەلىكتەرىنە قاراي ەكى توپقا ءبولىنىپ, 8 سەكتسيادا ولاردىڭ عىلىمي جۇمىستارى سارالاندى. كونكۋرستىڭ ناتيجەسى بويىنشا ۇزدىك كوماندالار انىقتالدى. ءبىرىنشى ورىندى – استانا قالاسى, پاۆلودار, شىعىس قازاقستان وبلىستارى السا, ەكىنشى ورىندى – اقتوبە, جامبىل, قىزىلوردا وبلىستارى جانە نازارباەۆ زياتكەرلىك مەكتەپتەرى يەلەندى. ءۇشىنشى ورىن –اقمولا, قاراعاندى وبلىستارىمەن بىرگە, الماتى قالاسىنىڭ ەنشىسىنە ءتيدى. جۇلدەگەرلەرگە ديپلومدار مەن سەرتيفيكاتتار, باعالى سىيلىقتار تابىس ەتىلدى. ەلىمىزدىڭ بارلىق وڭىرىنەن كەلگەن وقۋشىلار كورىكتى كوكشە وڭىرىندەگى ششۋچە-بۋراباي تابيعي-ۇلتتىق ساياباعىن ارالاپ كوردى. «بالداۋرەن» رەسپۋبليكالىق وقۋ-ساۋىقتىرۋ ورتالىعىنىڭ «جاستار» پەداگوگيكالىق وتريادىنىڭ ۇيىمداستىرۋىمەن بولعان كونتسەرت قويىلىمىن تاماشالاپ, كەلەر جىلى وسىنداي ءبىلىم سايىسىندا باس قوسامىز دەپ تاراستى.
سۇلەيمەن مامەت,
«ەگەمەن قازاقستان».