ۇستىمىزدەگى جىلى قازاقستانداعى اۋىلداردى دامىتۋعا 5,6 ملرد. تەڭگە قارالادى. وڭىرلىك دامۋ مينيسترى بولات جامىشەۆ بۇل قارجىنىڭ كوممۋنالدىق شارۋاشىلىق جوبالارى مەن الەۋمەتتىك جانە ينجەنەرلىك ينفراقۇرىلىم نىساندارىن جوندەۋگە جۇمسالاتىنىن جەتكىزدى.
ۇستىمىزدەگى جىلى قازاقستانداعى اۋىلداردى دامىتۋعا 5,6 ملرد. تەڭگە قارالادى. وڭىرلىك دامۋ مينيسترى بولات جامىشەۆ بۇل قارجىنىڭ كوممۋنالدىق شارۋاشىلىق جوبالارى مەن الەۋمەتتىك جانە ينجەنەرلىك ينفراقۇرىلىم نىساندارىن جوندەۋگە جۇمسالاتىنىن جەتكىزدى.
بيىلدان باستاپ ەلىمىزدە جىل سايىن 10 ملن. شارشى مەتردەن استام باسپانا تاپسىرىلاتىن بولادى. كەشە وڭىرلىك دامۋ مينيسترلىگىنىڭ القا ماجىلىسىندە ايتىلعان بۇل تۇجىرىم جەرگىلىكتى اكىمدەرگە تۇرعىن ۇيلەردى جاڭعىرتۋ ماسەلەسىمەن بەلسەندى تۇردە اينالىسۋ كەرەكتىگىن بىلدىرەدى.
2015 جىلى نازارباەۆ ۋنيۆەرسيتەتى بازاسىندا مەديتسينالىق مەكتەپ اشىلادى. ونداعى ءبىلىم تولىعىمەن اعىلشىن تىلىندە جۇرگىزىلەدى. مۇندا سونداي-اق, ونكولوگيالىق ورتالىق قۇرۋ تۋرالى جوسپار دا بار. بۇگىندە باس ميىنىڭ ىسىكتەرى, ورتاق ونكولوگيا جانە بالالارعا ارنالعان بولىمشەلەر جۇمىس ىستەيدى.
استانا تۇبىندەگى تالدىكول سارقىندى سۋ جيناقتاۋشىسىن جويۋ جوباسى 2016 جىلعا قاراي اياقتالادى. «جوبانىڭ ماقساتى – تازارتىلعان سارقىندى سۋلاردى ەسىل وزەنىنە جىبەرىپ, تالدىكول سۋ جيناقتاۋشىسىنىڭ اۋدانىن 2 مىڭنان 600 گەكتارعا دەيىن ازايتۋ», دەدى قالالىق كوممۋنالدىق شارۋاشىلىق باسقارماسىنىڭ باسشىسى پاۆەل كۋلاگين.
وڭتۇستىك قازاقستاندا 44,5 ملرد. تەڭگەنىڭ 59 ينۆەستيتسيالىق جوباسى ءجۇزەگە اسىرىلىپ جاتىر. كەشە وبلىس اكىمى اسقار مىرزاحمەتوۆتىڭ قاتىسۋىمەن ءوتكەن كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ جيىنىندا وسى ارقىلى 5 مىڭنان استام جۇمىس ورىندارىن اشۋ مەجەلەنىپ وتىرعانى دا ايتىلدى. مۇنىڭ قاتارىنداعى جالپى قۇنى 28,8 ملرد. تەڭگەنى قۇرايتىن 21 جوبا يندۋستريالاندىرۋ كارتاسىنا ەنگەن.
قوستاناي وبلىسىندا پروكۋراتۋرانىڭ ارالاسۋىمەن 9000 ادام جالاقىلارىن الدى. بۇقارالىق اقپارات قۇرالدارى وكىلدەرىمەن كەزدەسكەن وبلىس پروكۋرورى مارات قايىبجانوۆ كەشە, سونداي-اق, جەر تەلىمدەرىن الۋ مەن يگەرۋگە قاتىستى دا بىرقاتار كەمشىلىكتەردىڭ انىقتالىپ, ولار بويىنشا ناقتى شارالار قولدانىلعانىن تىلگە تيەك ەتتى.
اقمولا وبلىسىندا ءسۇزبە شىعاراتىن تسەح ىسكە قوسىلادى. استانانى ازىق-ت ۇلىكپەن قامتۋ باعدارلاماسى اياسىندا قولعا الىنعان بۇل جوبانى اقكول اۋدانىنداعى «ەكوميلك» جشس بيىلدان باستاپ جۇزەگە اسىرادى. جاڭا تسەح ىسكە قوسىلعاندا 110 ادام تۇراقتى ەڭبەكپەن قامتىلادى.
وسكەمەندە شاكارىمنىڭ «قالقامان-مامىر» پوەماسىنىڭ ورىس تىلىندەگى نۇسقاسى كىتاپ بولىپ شىقتى. اقىننىڭ اتالمىش داستانىن شىعىس قازاقستان وبلىسىنا تانىمال جۋرناليست قابدىلقايىر قۇدايبەرگەنوۆ ورىس تىلىنە اۋدارعان.
Egemen.kz حابارلارى مەن وبلىستىق اكىمدىكتەر
سايتتارىنىڭ ماتەريالدارى بويىنشا دايىندالدى.