مەملەكەت باسشىسى نۇرسۇلتان نازارباەۆ قورشاعان ورتا جانە سۋ رەسۋرستارى ءمينيسترى نۇرلان قاپپاروۆپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ قورشاعان ورتا جانە سۋ رەسۋرستارى ءمينيسترى نۇرلان قاپپاروۆپەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
مينيستر مەملەكەت باسشىسىنا 2013 جىلداعى جۇمىس قورىتىندىلارى مەن الداعى كەزەڭگە ارنالعان جوسپارلار تۋرالى باياندادى.
نۇرسۇلتان نازارباەۆ مينيسترلىكتىڭ جاڭا وكىلەتتىكتەرگە يە بولۋى مەن وعان سۋ رەسۋرستارى, اڭ اۋلاۋ جانە ورمان شارۋاشىلىعى جونىندەگى, سونداي-اق, بالىق شارۋاشىلىعى كوميتەتتەرىنىڭ بەرىلۋىنىڭ ماڭىزدىلىعىن اتاپ ءوتتى. مەملەكەت باسشىسى بىلىكتى كادرلاردى, اتاپ ايتقاندا, سۋ رەسۋرستارىن باسقارۋ جانە ترانسشەكارالىق وزەندەر ماسەلەلەرى جونىندەگى حالىقارالىق كەلىسسوزدەردى جۇرگىزۋ سالاسىنداعى مامانداردى دايارلاۋ جايىنا نازار اۋداردى.
بۇعان قوسا, قازاقستان پرەزيدەنتى حالىقارالىق تاجىريبەنى ەسكەرە وتىرىپ, ەلىمىزدە «جاسىل ەكونوميكانى» دامىتۋعا ۇيلەستىرىلگەن جانە كەشەندى كوزقاراس قالىپتاستىرۋ قاجەتتىگىنە توقتالدى.
كەزدەسۋ بارىسىندا ن.قاپپاروۆ ۆەدومستۆونىڭ «جاسىل ەكونوميكا» سالاسىنداعى قىزمەتى جايلى, سونداي-اق, سۋ رەسۋرستارى مەن تۇرمىستىق قاتتى قالدىقتاردى باسقارۋ باعدارلامالارىن ازىرلەۋ تۋرالى حاباردار ەتتى.
كەزدەسۋ قورىتىندىسىندا مەملەكەت باسشىسى بەلگىلەنگەن باعىتتاعى جۇمىستاردى جالعاستىرۋدى, اتاپ ايتقاندا, اتالعان باعدارلامالاردى ىسكە اسىرۋ جونىندەگى ءىس-شارالار جوسپارىن دايىنداۋدى باستاۋدى تاپسىردى.
-----------------------------------------
سۋرەتتى تۇسىرگەندەر
س.بوندارەنكو, ب.وتارباەۆ.