فرانتسيا پرەزيدەنتى فرانسۋا وللاند ازاماتتىق ايەلى ۆالەري تريەرۆەيلەرمەن اجىراساتىنىن مالىمدەدى. بۇل تۋرالى «روسسيا 24» تەلەارناسىنا سىلتەمە جاساعان Ras.kz حابارلادى.
«بۇدان بۇرىن ەليسەي سارايىندا بۇعان قاتىستى بارلىق قاۋەسەتتەر جوققا شىعارىلىپ كەلىپ ەدى», دەپ مالىمدەدى «فرانس پرەسس» اگەنتتىگى. دەگەنمەن, بەسىنشى رەسپۋبليكانىڭ پرەزيدەنتى بۇل تاقىرىپقا ءوزى قايتا ورالىپ, سوڭعى ازاماتتىق ايەلىمەن بايلانىسىن ءبىرجولا ۇزۋگە شەشىم قابىلداعانىن جەتكىزدى. «ءبىزدىڭ ۆالەري تريەرۆەيلەرمەن بىرلەسكەن ءومىرىمىزدىڭ سوڭى كەلىپ جەتكەنىن حابارلايمىن», – دەدى ول.
فرانتسۋز جۋرناليستەرىنىڭ مالىمەتتەرى بويىنشا, پرەزيدەنتتىڭ ومىرلىك سەرىگى اقىرى ونىڭ ساتقىندىعىن كەشىرە الماعان. وعان ءتىپتى وسىعان بايلانىستى جۇيكەسى جۇقارىپ, اۋرۋحاناعا جاتىپ شىعۋعا دا تۋرا كەلگەن. وسىنىڭ قارساڭىندا Closer باسىلىمى ەليسەي سارايىندا ۇلكەن جانجال شىققانىن جازعان. ءبىرىنشى لەدي قۇنى 3 ملن. ەۋرو تۇراتىن انتيكۆارلىق ۆازانى سىندىرىپ الىپ, ول وللاندتىڭ قاتتى اشۋىن شاقىرىپتى.
ايدار ورىسباەۆ.
دەرەككوز: Ras.kz
فوتو: Reuters.com