2014 جىلعى 22 قاڭتار استانا, ۇكىمەت ءۇيى
قازاقستان رەسپۋبليكاسىنىڭ اۋماعىنا شيكى قانت اكەلۋدىڭ كەيبىر ماسەلەلەرى تۋرالى
2014 جىلعى 22 قاڭتار استانا, ۇكىمەت ءۇيى
قازاقستان رەسپۋبليكاسىنىڭ اۋماعىنا شيكى قانت اكەلۋدىڭ كەيبىر ماسەلەلەرى تۋرالى
«ساۋدا قىزمەتىن رەتتەۋ تۋرالى» 2004 جىلعى 12 ساۋىردەگى قازاقستان رەسپۋبليكاسى زاڭىنىڭ 6-بابىنا جانە «بەلارۋس رەسپۋبليكاسىنىڭ, قازاقستان رەسپۋبليكاسىنىڭ جانە رەسەي فەدەراتسياسىنىڭ كەدەن وداعىن بىرىڭعاي كەدەندىك-تاريفتىك رەتتەۋ تۋرالى» كەدەن وداعى كوميسسياسىنىڭ 2009 جىلعى 27 قاراشاداعى № 130 شەشىمىنە سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. 413 027,4 توننا كولەمىندەگى دامدىك-حوش يىستىك نەمەسە بوياعىش قوسپالارى جوق شيكى قۇراق قانتىن (بۇدان ءارى – شيكى قانت) (قو سەق تن كودتارى 1701 13, 1701 14) ەكەلۋ 2014 جىلى قازاقستان رەسپۋبليكاسىنىڭ اۋماعىنا ىشكى تۇگىنۋ ءۇشىن شىعارۋدىڭ كەدەندىك راسىمىنە كەدەندىك باج تولەمەي جۇزەگە اسىرىلادى دەپ بەلگىلەنسىن.2. قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەلگىلەنگەن تەرتىپپەن تىزبەسى وسى قاۋلىعا قوسىمشادا كورسەتىلگەن قانت وندىرەتىن كەسىپورىندارعا نە اكەلىنەتىن شيكى قانتتىڭ نىسانالى ماقساتى تۋرالى كورسەتىلگەن كەسىپورىندارمەن كەلىسىمشارت نەگىزىندە شيكى قانت جەتكىزۋشىلەرگە قازاقستان رەسپۋبليكاسى اۋىل شارۋاشىلىعى مينيسترلىگىمەن كەلىسىم بويىنشا بەكىتىلگەن كولەم شەگىندە ليتسەنزيالار بەرۋدى جۇزەگە اسىرسىن.3. قازاقستان رەسپۋبليكاسى قارجى مينيسترلىگىنىڭ كەدەندىك باكىلاۋ كوميتەتى ىشكى تۇتشۋ ءۇشىن شىعارۋدىڭ كەدەندىك راسىمىندە ەكەلىنەتىن شيكى قانتتى كەدەندىك دەكلاراتسيالاۋدى:1) كەدەندىك اكەلۋ باجىن تولەمەي قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى بەرەتىن ليتسەنزيالار نەگىزىندە;2) كەدەن وداعىنىڭ بىرىڭعاي كەدەندىك تاريفىمەن بەكىتىلگەن مولشەرلەمەلەر بويىنشا كەدەندىك اكەلۋ باجدارىن تولەۋ ارقىلى قازاقستان رەسپۋبليكاسى ەكونوميكا جەنە بيۋدجەتتىك جوسپارلاۋ مينيسترلىگى بەرەتىن ليتسەنزياسىز جۇزەگە اسىرسىن.4. قازاقستان رەسپۋبليكاسى سىرتقى ىستەر مينيسترلىگى ەكى اپتا مەرزىمدە ەۋرازيالىق ەكونوميكالىق قوعامداستىقتىڭ ينتەگراتسيالىق كوميتەتىنىڭ حاتشىلىعىن قازاقستان رەسپۋبليكاسىنىڭ ۇكىمەتى قابىلدايتىن سىرتقى ساۋدا قىزمەتىن رەتتەۋ شارالارى تۋرالى حاباردار ەتسىن.5. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-مينيسترi س.احمەتوۆ.
قازاقستان رەسپۋبليكاسى ۇكىمەتىنىڭ 2014 جىلعى 22 قاڭتارداعى № 23 قاۋلىسىنا قوسىمشا
قانت وندىرەتىن كاسىپورىندار تىزبەسىر/س قانت وندىرەتىن كاسىپورىن اتاۋى1 «ورتالىق ازيا قانت كورپوراتسياسى» جاۋاپكەرشىلىگى شەكتەۋلى سەرىكتەستىگى
* كاسىپورىندار تىزبەسى كاسىپورىنداردى شيكى قۇراق قانتىنان قانت وندىرەتىن زاۋىتتارعا جاتقىزۋدىڭ مىناداي ولشەمدەرىنە سايكەس قالىپتاستىرىلادى:1) كاسىپورىننىڭ شيكى كۇراق قانتىن وڭدەۋگە ارنالعان تەحنولوگيالىق جابدىعىنىڭ بولۋى;2) شيكى قۇراق قانتىنان اق قانتتى سەريالىق ءوندىرۋدىڭ بولۋى;3) كاسىپورىننىڭ الداعى كۇنتىزبەلىك جىلعا ارنالعان جوبالىق قۋاتى.