اقمولا وبلىسىندا 13-17 قاڭتار ارالىعىندا 247 اۋىلدىق وكرۋگتىڭ اكىمى حالىق الدىندا ەسەپ بەردى. ءبىز قورعالجىن اۋدانىنداعى قاراەگىن اۋىلى تۇرعىندارىنىڭ جينالىسىنا قاتىسقان ەدىك. بۇل جونىندە سابىندى اۋىلدىق وكرۋگىنىڭ اكىمى گۇلبانۋ سماعۇلوۆا اۋىل ومىرىنە جان-جاقتى تالداۋ جاساپ, تابىستاردى اتاپ كورسەتتى.
اقمولا وبلىسىندا 13-17 قاڭتار ارالىعىندا 247 اۋىلدىق وكرۋگتىڭ اكىمى حالىق الدىندا ەسەپ بەردى. ءبىز قورعالجىن اۋدانىنداعى قاراەگىن اۋىلى تۇرعىندارىنىڭ جينالىسىنا قاتىسقان ەدىك. بۇل جونىندە سابىندى اۋىلدىق وكرۋگىنىڭ اكىمى گۇلبانۋ سماعۇلوۆا اۋىل ومىرىنە جان-جاقتى تالداۋ جاساپ, تابىستاردى اتاپ كورسەتتى.
اۋىلدا التى شارۋاشىلىق قۇرىلىمى جۇمىس ىستەيدى. وسىعان بايلانىستى جەرگە سۇرانىس تا ارتا تۇسكەن. بىلتىر 10590 گەكتارعا (1500 گەكتارعا كوپ) ءداندى داقىلدار سەبىلىپ, ءار اينالىمنان ورتا ەسەپپەن 15 تسەنتنەردەن ءونىم الىندى. بۇل ورايدا تەحنيكا قۇرامىن 70 پايىزعا جاڭارتقان «جاڭا» سەرىكتەستىگىنىڭ باسشىسى مارات قاسەنوۆتىڭ ۇلگىسى بولەكتەپ كورسەتىلدى.
اۋىلدا مال باسىنىڭ ءوسۋىنە «بيزنەستىڭ جول كارتاسى-2020» باعدارلاماسى ەلەۋلى سەپتىك جاساعان. وسىعان قاتىستى, ءمىنبەرگە كوتەرىلگەن «قىدىرباي» شارۋا قوجالىعىنىڭ باسشىسى نۇرباي ءابدىراحمانوۆ «سىباعا» باعدارلاماسى اياسىندا 8 ميلليون 550 مىڭ تەڭگە نەسيە الىپ, ءىرى قارا تابىنىن 58 باس مالمەن تولىقتىرعانىن ايتتى. قازىر قوجالىق قاراماعىندا 100 باس ءىرى قارا, 22 جىلقى, 25 قوي بار. سونداي-اق, ۇجىم كوكتەمگى ەگىس ناۋقانىندا اۋىل شارۋاشىلىعىن قارجىلاي قولداۋ قورىنان 3 ميلليون تەڭگە نەسيە الىپ, جەمىسىن كورىپ وتىر.
«اق بۇلاق» باعدارلاماسى 409 تۇرعىنى بار قاراەگىندىكتەردى ايرىقشا قۋانىشقا بولەگەنى باياندامانى تالقىلاۋشىلاردىڭ سوزىندە اتالىپ ءوتتى. رەسپۋبليكالىق بيۋدجەتتەن 62 ميلليون 700 مىڭ تەڭگە قارجى ءبولىنىپ, اۋىل ىشىندەگى 6 شاقىرىم سۋ تاراتۋ جەلىلەرىنە كۇردەلى جوندەۋ جۇمىستارى جۇرگىزىلىپتى. اۋىز سۋعا تاپشىلىق تولىق جويىلعان. اۋىل دا كورىكتەنىپ قالعان. ەسەپتى كەزەڭدە 400 توننا كوڭ-قوقىس شىعارىلىپ, قىرۋار كورىكتەندىرۋ جۇمىستارى جۇرگىزىلدى. كوشەلەردى قالىپقا كەلتىرۋمەن قاتار, ەلەكتر شامدارى دا ورناتىلعان. قار تازالاۋ, جول اشۋ جۇمىستارى دا شارۋاشىلىق قۇرىلىمدارىنىڭ كۇشىمەن اتقارىلۋدا. اۋىلدا ورتا مەكتەپ, «ايگولەك» شاعىن ورتالىعى جۇمىس ىستەيدى. «جاڭا» جشس باسشىسى مارات قاسەنوۆتىڭ باستاماسىمەن اۋعان سوعىسىندا قازا تاپقان جەرلەس جاۋىنگەرلەرگە ەڭسەلى ەسكەرتكىش تۇرعىزىلۋى دا يگىلىكتى ءىس دەپ بىلەمىز.
قاراەگىندە ەكى جىل ىشىندە جەكە مەنشىك 8 ءۇيدىڭ بوي كوتەرۋى اۋىل تىرشىلىگىنىڭ جاقسارعانىن بايقاتادى. ونى جۇمىس ورىندارىنىڭ كوبەيۋىمەن, جەرگىلىكتى بيۋدجەتكە اۋدارىلاتىن سالىق قاراجاتىنىڭ وسكەندىگىمەن بايلانىستىرۋعا بولادى. وسى رەتتە د.قاسەنوۆتىڭ شارۋاشىلىق قۇرامىندا 150 باس سيىرعا ارنالعان زامانالىق فەرما سالۋ جوسپارىنا ۇلكەن ءۇمىت ارتىلىپ وتىرعاندىعى العا تارتىلدى. اتالعان شارۋاشىلىق 150-دەن استام جىلقى, 50-ءدىڭ ءۇستىندە ءىرى قارا مال وسىرەدى ەكەن. بىلتىر مۇندا 50 توننا ءسۇت, 15 توننا قىمىز ءوندىرىلىپ, اۋدان ورتالىعىندا, استانا قالاسىندا جوعارى سۇرانىسپەن ساتىلعان. جاڭا فەرما ىسكە قوسىلعان جاعدايدا ءونىم كولەمىن جىلىنا 700 تونناعا جەتكىزىپ, قوسىمشا جۇمىس ورىندارىن اشۋعا ءمۇمكىندىك تۋماق. بۇل ءۇشىن مەملەكەت تاراپىنان قارجىلاي قولداۋ كەرەك. جينالىسقا قاتىسقان اۋدان باسشىلىعى بيزنەس-جوسپاردىڭ ماقۇلدانعانىن, ءتيىستى ورىنداردىڭ قاراۋىنا جولدانعانىن ايتتى.
باقبەرگەن امالبەك,
«ەگەمەن قازاقستان».
اقمولا وبلىسى,
قورعالجىن اۋدانى.