قۇرمەتتى وتانداستار!
ەلباسىمىزدىڭ باسشىلىعىمەن قازاقستان حالقى ەكونوميكاسى قارقىندى دامىعان تۇراقتى قوعام مەن دەموكراتيالىق مەملەكەت قۇردى.
تاۋەلسىزدىك جىلدارىندا تاريحي ماقسات ورىندالدى – مەملەكەتتىلىك قالىپتاستىرىلدى. بۇل – بارشا قازاقستاندىقتاردىڭ بىرلىگى مەن ىنتىماعىنىڭ, قاجىر-قايراتى مەن تىنىمسىز ەڭبەگىنىڭ, ورتاق ماقساتى مەن ۇكىلەگەن ءۇمىتىنىڭ جەمىسى.
قۇرمەتتى وتانداستار!
ەلباسىمىزدىڭ باسشىلىعىمەن قازاقستان حالقى ەكونوميكاسى قارقىندى دامىعان تۇراقتى قوعام مەن دەموكراتيالىق مەملەكەت قۇردى.
تاۋەلسىزدىك جىلدارىندا تاريحي ماقسات ورىندالدى – مەملەكەتتىلىك قالىپتاستىرىلدى. بۇل – بارشا قازاقستاندىقتاردىڭ بىرلىگى مەن ىنتىماعىنىڭ, قاجىر-قايراتى مەن تىنىمسىز ەڭبەگىنىڭ, ورتاق ماقساتى مەن ۇكىلەگەن ءۇمىتىنىڭ جەمىسى.
ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋى ەلىمىزدىڭ جاڭا كەزەڭدەگى دامۋىنىڭ باستاۋى بولىپ, مەملەكەتىمىزدىڭ ۇزاقمەرزىمدى باعىتىن ايقىنداپ بەردى.
2014 جىلدىڭ 17 قاڭتارىنداعى جولداۋىندا مەملەكەت باسشىسى الەمدەگى ەڭ دامىعان وتىز ەلدىڭ قاتارىنا قوسىلۋعا قاتىستى ناقتى تۇجىرىمدامالىق باعداردى ۇسىندى.
جولداۋدا ەلباسى ستراتەگيانى جۇزەگە اسىرۋدىڭ ءتورت نەگىزگى ۇستانىمىن بەلگىلەپ بەردى: قابىلداناتىن بارلىق شەشىمدەردىڭ پراگماتيزمى مەن ەۆوليۋتسيالىلىعى; ءوزارا ءتيىمدى اشىقتىق, قازاقستاندىقتاردىڭ ءال-اۋقاتىن ارتتىرۋ مەن بۇكىلحالىقتىق قولداۋ قاعيداتى.
تابىسقا جەتۋدىڭ ماڭىزدى فاكتورى – العا قويعان ماقساتتاردى كەزەڭ-كەزەڭىمەن جۇزەگە اسىرۋ جانە ەلىمىزدەگى ازاماتتاردىڭ ءومىر ساپاسىنىڭ جىل وتكەن سايىن جاقسارا تۇسۋىنە ىقىلاستى بولۋ.
ءبىز, جالپىۇلتتىق دەموكراتيالىق كۇشتەر كواليتسياسىنىڭ مۇشەلەرى, جاڭا جولداۋدا كورسەتىلگەن بارلىق ماقسات-مىندەتتەر ومىرشەڭ جانە جۇزەگە اسىرىلاتىن, ال جينالعان مول تاجىريبە مەن قازاقستاننىڭ قازىرگى جەتىستىكتەرى بولاشاققا قارقىندى ۇمتىلىستىڭ سەنىمدى نەگىزى بولىپ تابىلادى دەپ سانايمىز.
ستراتەگيانى جۇزەگە اسىرۋداعى وتكەن جىلعى اتقارىلعان جۇمىس ەلباسى بەلگىلەگەن جولمەن قازاقستان قارىشتاپ قادام باسقانىن كورسەتتى.
تۇڭعىش رەت ەلىمىزدىڭ تاريحىندا مەملەكەتتىك باسقارۋ جۇيەسىنىڭ اۋقىمدى ساياسي رەفورماسى جۇرگىزىلدى. جەرگىلىكتى بيلىكتىڭ سايلانۋى, مەملەكەتتىك ورگاندار قىزمەتىنىڭ اشىقتىق پەن ەسەپتىلىگىن نىعايتۋ, وڭىرلىك ماڭىزدى ماسەلەلەردىڭ شەشىلۋىندە تۇرعىنداردىڭ مۇمكىندىگىن كەڭەيتۋ, قوعامدىق باقىلاۋ تەتىكتەرىن كۇشەيتۋ قوعام مەن بيلىك قارىم-قاتىناسىنىڭ تيىمدىلىگىن ارتتىردى.
ىقشام, كاسىبي مەملەكەتتىك اپپاراتتى جاساقتاۋ ءۇشىن مەريتوكراتيا جانە باسەكەلەستىك قاعيداتتارىنا نەگىزدەلگەن اكىمشىلىك رەفورمانىڭ ماڭىزدى كەزەڭى باستالدى.
ۇدەمەلى يندۋستريالىق-يننوۆاتسيالىق دامىتۋ باعدارلاماسىن جۇزەگە اسىرۋدىڭ ناقتى ناتيجەسى ەكونوميكانىڭ مۇلدە جاڭا سالالارىن – اۆتوموبيل, اۆياقۇرىلىس, تەپلوۆوز, جولاۋشى جانە جۇك ۆاگوندارى ءوندىرىسىنىڭ اشىلۋىنا سەبەپكەر بولدى.
مەملەكەت باسشىسى تاۋەلسىز دامۋ جىلدارىنداعى باستى جەتىستىگىمىز ەلىمىزدىڭ كەمەل كەلەشەگىن قالىپتاستىرعان بارشا قازاقستاندىقتاردى بىرىكتىرگەن قۇندىلىقتار بولىپ تابىلاتىنىن اتاپ ءوتتى.
ءبىز قازاقستان حالقىن ەلباسى اتاعان باستى قۇندىلىقتاردىڭ توڭىرەگىنە توپتاسۋعا شاقىرامىز. ولار:
• قازاقستاننىڭ تاۋەلسىزدىگى جانە مەملەكەتىمىزدىڭ وركەندەۋىنىڭ نىشانى استانا.
• قوعامىمىزداعى ۇلتتىق بىرلىك, بەيبىتشىلىك پەن كەلىسىم.
• زايىرلى قوعام جانە جوعارى رۋحانيات.
• يندۋستريالاندىرۋ مەن يننوۆاتسيالارعا نەگىزدەلگەن ەكونوميكالىق ءوسىم.
• جوعارى الەۋمەتتىك ستاندارتتارعا ساي جالپىعا ورتاق ەڭبەك قوعامى.
• تاريحتىڭ, مادەنيەت پەن ءتىلدىڭ ورتاقتىعى.
• ەلىمىزدىڭ ۇلتتىق قاۋىپسىزدىگى جانە بۇكىلالەمدىك, وڭىرلىك ماسەلەلەردى شەشۋگە جاھاندىق تۇرعىدان قاتىسۋى.
ۇرپاقتار ساباقتاستىعىن, ءوزارا قولداۋ ءداستۇرىن قامتاماسىز ەتۋ ارقىلى وسى قۇندىلىقتاردى ەسەلەۋ – ءبىزدىڭ مەملەكەتتىلىگىمىزدى دامىتۋ مەن تاۋەلسىزدىگىمىزدى نىعايتۋدىڭ كەپىلى.
بۇل قۇندىلىقتاردىڭ بارلىعى حالىقتىڭ ىنتىماعىن نىعايتىپ, «ماڭگىلىك ەل» ۇلتتىق يدەياسىن قالىپتاستىرۋعا اكەلدى.
ەلباسىنىڭ سىندارلى ساياساتىنىڭ ارقاسىندا ءبىزدىڭ جاس مەملەكەتىمىزدىڭ الەمدەگى ەڭ دامىعان ەلدەر قاتارىنان تابىلۋىنا, ءوز تاعدىرىن تاڭداۋىنا, الەمدىك وركەنيەتتە حالقىمىزدىڭ بىرەگەي مادەني جانە تاريحي مۇراسىنىڭ بەلگىلەنۋىنە تاريحي مۇمكىندىك تۋعىزدى.
قازاقستاننىڭ جەتىستىگى – ءاربىر قازاقستان وتباسىنىڭ, ءاربىر ازاماتىمىزدىڭ جەڭىسى.
بۇگىندە جالپىۇلتتىق دەموكراتيالىق كۇشتەر كواليتسياسى بيلىك پەن ازاماتتىق قوعام اراسىنا دانەكەر بولا وتىرىپ, كەڭ كولەمدەگى پىكىر الماسۋ الاڭىنا اينالدى.
«قازاقستان-2050» ستراتەگياسىن جۇزەگە اسىرۋ اياسىنداعى ءبىزدىڭ باستى ماقساتىمىز – قازاقستان جولىنىڭ ماقسات-مۇراتتارىنا بۇكىلحالىقتىق قولداۋدى قامتاماسىز ەتۋ.
ءبىز, قازاقستاننىڭ جالپىۇلتتىق دەموكراتيالىق كۇشتەر كواليتسياسىنىڭ مۇشەلەرى, ەلباسى باستاماسىن بارىنشا قولداي وتىرىپ, قازاقستان مەملەكەتتىلىگىن, تاۋەلسىزدىك پەن ەگەمەندىكتى نىعايتۋعا ىنتالىمىز.
جولداۋ بىزگە, قازاقستان ازاماتتارىنا باعىتتالعان. سوندىقتان بارشا قازاقستاندىقتاردى كورەگەندىلىك پەن بىرلىگى باياندى حالىق بولىپ قالىپتاسقاندىعىمىزدى تانىتۋعا جانە ءبىزدىڭ ورتاق ءۇيىمىز – قازاقستان-2050-ءدى بىرگە قۇرۋعا شاقىرامىز!