كۇرەس تۇرلەرىنەن ۋفادا ءوتىپ جاتقان 21 جاسقا دەيىنگى جاستار اراسىنداعى الەم بىرىنشىلىگىندە قازاقستان قورجىنىنا التىن جۇلدە ءتۇستى, دەپ حابارلايدى Egemen.kz Olympic.kz-كە سىلتەمە جاساپ.
ايەلدەر كۇرەسىندە 57 كەلىگە دەيىنگى سالماقتا سىنعا تۇسكەن نيلۋفار رايموۆا الەم چەمپيونى اتاندى. ول فينالدا يتاليالىق اۆرورا رۋسسمەن كەزدەسىپ, 8:6 ەسەبىمەن جەڭىسكە جەتتى.
ايتا كەتەلىك, كەزدەسۋ بارىسىندا نيلۋفار جەڭىلىپ جاتقان بولاتىن. الايدا, جەڭىسكە دەگەن جىگەرىنىڭ ارقاسىندا الەمدىك سىننىڭ چەمپيونى اتانىپ وتىر.