پاۆلودار وبلىسىندا ادام ساۋداسىمەن اينالىسقان ەكى وڭتۇستىك قازاقستان وبلىسىنىڭ تۇرعىنىنا قاتىستى سوت ۇكىمى شىقتى. بۇل تۋرالى «24 kz» حابارلادى.
ولار پاۆلوداردا مۇگەدەكتەردى كۇشتەپ قايىر سۇراتقان. 45 جاستاعى زۋحرا مودۋر قىلمىستىق توپتىڭ باسشىسى رەتىندە 3 جىلعا سوتتالدى. الايدا, ونىڭ قولىندا كامەلەتكە تولماعان بالا بولعاندىقتان, جازانى وتەۋ مەرزىمى 5 جىلعا كەيىنگە شەگەرىلدى. ال ەكىنشى ايىپكەر شارتتى تۇردە 2 جىلعا سوتتالدى.
ەستەرىڭىزگە سالا كەتەيىك, قىلمىسكەرلەر وتكەن جىلدىڭ مامىر ايىندا 48 جاستاعى 1-توپ مۇگەدەگىن الماتىعا الىپ كەتپەك بولعان جەرىنەن قولعا تۇسەدى. پوليتسيا دەرەگى بويىنشا, قىلمىسكەرلەر وڭىرلەردەگى ينتەرناتتارعا بارىپ, جارىمجان ازاماتتاردىڭ تۋىسىمىز دەپ ولاردى باسقا قالالارعا اكەتكەن كورىنەدى.
باقىتبەك كەنەش ۇلى.
دەرەككوز: «24 kz»
فوتو: «24 kz».