كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ قازاقستانداعى ديپلوماتيالىق قىزمەتىنىڭ اياقتالۋىنا بايلانىستى چەح رەسپۋبليكاسىنىڭ ەلشىسى بەدرجيح كوپەتسكيدى قابىلدادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ قازاقستانداعى ديپلوماتيالىق قىزمەتىنىڭ اياقتالۋىنا بايلانىستى چەح رەسپۋبليكاسىنىڭ ەلشىسى بەدرجيح كوپەتسكيدى قابىلدادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.
ق.توقاەۆ چەح ديپلوماتىنىڭ جۇمىسىن وڭ باعالاپ, جوعارى دەڭگەيدەگى كەزدەسۋلەردى تابىستى وتكىزۋگە جانە پارلامەنتارالىق ۇنقاتىسۋدى ۇدەتۋگە قوسقان ۇلەسىن اتاپ ءوتتى. قازاقستان مەن چەحيانىڭ ەكىجاقتى فورماتىنداعى جانە قازاقستاننىڭ ەۋرووداق قاتىناستارى فورماتىنداعى ىنتىماقتاستىعى ودان ءارى نىعاياتىنىنا سەنىم ءبىلدىرىلدى.
سول كۇنى سەنات توراعاسى بولگاريا رەسپۋبليكاسىنىڭ سەنىمدى ۋاكىلى, ەلشى يۆان ديميتروۆپەن كەزدەسىپ, قازاقستان-بولگاريا ىنتىماقتاستىعىنىڭ وزەكتى ماسەلەلەرىن تالقىلادى. كەزدەسۋ بارىسىندا ق.توقاەۆ ەلدەگى الەۋمەتتىك-ەكونوميكالىق احۋالمەن تانىسۋ ءۇشىن بولگاريا ۇلتتىق جينالىسىنىڭ دەپۋتاتتارىنا شاقىرۋىن جەتكىزدى. بولگار ديپلوماتى بۇل ۇسىنىستى قازاقستان مەن بولگاريانىڭ كوپتۇرپاتتى ىنتىماقتاستىعىنىڭ «جول كارتاسى» تۇرعىسىندا پارلامەنتارالىق بايلانىستاردى ودان ءارى دامىتۋدىڭ تاماشا مۇمكىندىگى رەتىندە قابىلدادى.