الاياقتار Instagram قولدانۋشىلارىن الداۋدىڭ جاڭا سحەماسىن ەنگىزە باستادى. كوپ شاعىم جىبەرۋ ارقىلى بىرەۋدىڭ پاراقشاسىن بۇعاتتاپ, كەيىن ۇلكەن سومادا اقشاعا قالپىنا كەلتىرۋدى ۇسىنادى. بۇل تۋرالى «لايفحاكەر» حابارلادى, دەپ جازادى Egemen.kz.
الاياقتار Instagram-دا قولدانۋشىنىڭ اتى-ءجونىن, ءومىربايانىن جانە پروفيلدەگى سۋرەتىنە دەيىن كوشىرىپ, جاڭا اككاۋنت اشادى. سودان كەيىن ولار تۇپنۇسقا پاراقشاعا شاعىم تۇسىرەدى. ال جەلى تۇپنۇسقانى كوشىرمە دەپ قاتەلەسىپ, شىنىمەن بۇعاتتاپ تاستايدى.
پاراقشانى بۇعاتتاۋ ءۇشىن الاياقتار ادەتتە 60 دوللار الادى, باعاسى جازىلۋشىلار سانىنا بايلانىستى وزگەرۋى مۇمكىن. ءدال وسى الاياقتار جابىرلەنۋشىگە پاراقشانى قالپىنا كەلتىرۋ بويىنشا قىزمەت ۇسىنادى جانە بۇل ءۇشىن 3,5-4 مىڭ دوللار سۇرايدى.
كەيبىر پايدالانۋشىلار پاراقشا بۇعاتتالعاننان كەيىن دەرەۋ قالپىنا كەلتىرۋ تۋرالى ۇسىنىس العانىن ايتادى. سونىمەن قاتار پاراقشانى «تىيىم سالىنعان كونتەنت» ءۇشىن دە بۇعاتتاۋى مۇمكىن.
ينستاگرام اتالعان جازباعا جاۋاپ بەردى جانە وسىنداي الاياقتىق جاعدايلارىن قاراستىرىپ جاتقانىن ايتتى. پايدالانۋشىلاردى وسىنداي جاعدايعا تاپ بولعان كەزدە وزدەرىنە جازۋدى ءوتىندى.