ايەلدەر تەننيس قاۋىمداستىعى (WTA) جەكە جانە جۇپتىق رازريادتا سپورتشىلار رەيتينگىن جاڭارتتى. بۇل تۋرالى Sports.kz حابارلادى, دەپ جازادى Egemen.kz.
جەكە رازريادتا ۇزدىك ۇشتىك قاتارىندا اۆستراليالىق ەشلي بارتي, جاپون ناومي وساكا جانە بەلارۋس وكىلى ارينا سوبولەنكو تۇر.
قازاقستاننىڭ ءبىرىنشى راكەتكاسى ەلەنا رىباكينا 20-ورىندا قالدى. ەسكە سالايىق, 2020 جىلى توكيودا وتەتىن وليمپيادادا رىباكينا ۋكراينالىق ەلينا سۆيتولينامەن قولا مەدال ءۇشىن تارتىسقا تۇسكەن ەدى.
يۋليا پۋتينتسەۆا 36-شى ورىننان 35-كە كوتەرىلدى.
زارينا دياس ءتورت پوزيتسياعا تومەندەپ, توپ-100 تىزىمىنەن شىعىپ قالدى - 103-ورىندا تۇر.
جۇپتىق ەسەپتە ءبىرىنشى ورىندا ەليزا مەرتەنس (بەلگيا), ودان كەيىن چەح تەننيسشىلەرى باربورا كرەيچيكوۆا مەن كاتەرينا سينياكوۆا ورنالاسقان.
قازاقستاندىق اننا دانيلينا جەتى ساپقا كوتەرىلىپ, 89-ورىندا, رىباكينا - 155-ورىن (+1), پۋتينتسەۆا - 163-ورىندا(+1) تۇر.