يندۋستريا جانە جاڭا تەحنولوگيالار مينيسترلىگى تۋريزم يندۋسترياسى كوميتەتىنىڭ توراعاسى مارات يگاليەۆ رەسەيدىڭ سوچي قالاسىندا وتەتىن قىسقى وليمپيا ويىندارىندا رەسەيلىك وكىمەت قابىلداعان قاۋىپسىزدىك شارالارىن قازاقستاندىق تۋريستەردىڭ قاتاڭ ساقتاۋىنا جانە ءبىزدىڭ ازاماتتارىمىزدى ساقتاندىرۋعا بايلانىستى جيىن وتكىزدى. بۇل تۋرالى ۆەدومستۆونىڭ ءباسپاسوز قىزمەتى حابارلادى.
كوميتەت توراعاسى بيىلعى وليمپياداعا جوسپار بويىنشا ەلىمىزدەن 400-گە جۋىق جانكۇيەرلەردىڭ باراتىنىن ايتتى. «وندا ولار «Nordwegian Jade» اتتى بەسجۇلدىزدى كرۋيزدىك لاينەردە تۇراتىن بولادى. 2376 جولاۋشىعا ارنالعان, 1190 كايۋتاسى بار كەمە 2006 جىلى العاش رەت گەرمانيادا سۋعا تۇسىرىلگەن. لاينەردە مەيرامحانا, حاۋىز, تىكەلەي ەفير ستۋدياسى سياقتى كوڭىل كوتەرۋ ورىندارى قاراستىرىلعان», دەدى ول. سونىمەن بىرگە ول قازاقستاندىق دەلەگاتسيانىڭ تۇراتىن جەرىن تاڭداۋ بارىسىندا قاۋىپسىزدىككە باسا نازار اۋدارىلعانىن, لاينەر قوسىمشا قورعالاتىن جانە نەگىزگى ويىندار وتەتىن جەرلەرگە جاقىن جەردە بولاتىنىن اتاپ ءوتتى.
تولىعىراق اقپاراتتى كومپانيانىڭ www.complete.kz سايتىنان الۋعا بولادى.
داستان كەنجالين.
دەرەككوز: http://www.mint.gov.kz