اتىراۋ وبلىسىنىڭ ەكولوگتارى قورشاعان ورتانى لاستاعان ءوندىرىس وشاقتارىن انىقتاپ, ولاردىڭ جۇمىسىن توقتاتۋ جونىندە ۇسىنىس جاسادى. ارنايى جۇرگىزىلگەن تەكسەرۋ بارىسىندا اتىراۋ مۇناي وڭدەۋ زاۋىتىنىڭ جانە «اقجايىق-7» جاۋاپكەرشىلىگى شەكتەۋلى سەرىكتەستىگىنىڭ اۋاعا زياندى زاتتاردى بەلگىلەنگەن مولشەردەن تىس شىعارعانى دالەلدەندى.
اتىراۋ وبلىسىنىڭ ەكولوگتارى قورشاعان ورتانى لاستاعان ءوندىرىس وشاقتارىن انىقتاپ, ولاردىڭ جۇمىسىن توقتاتۋ جونىندە ۇسىنىس جاسادى. ارنايى جۇرگىزىلگەن تەكسەرۋ بارىسىندا اتىراۋ مۇناي وڭدەۋ زاۋىتىنىڭ جانە «اقجايىق-7» جاۋاپكەرشىلىگى شەكتەۋلى سەرىكتەستىگىنىڭ اۋاعا زياندى زاتتاردى بەلگىلەنگەن مولشەردەن تىس شىعارعانى دالەلدەندى.
بۇعان دەيىن عالامتوردا جەرگىلىكتى حالىقتىڭ جاعىمسىز يىستەن باسى اينالاتىنى تۋرالى جازىلعان بولاتىن. وبلىس اكىمى دە بۇل تۇرعىداعى ماسەلەنى ءجىتى زەرتتەۋ قاجەتتىگىن ايتقان-دى. ىلە اتىراۋ وبلىستىق ەكولوگيا دەپارتامەنتى تاراپىنان تەكسەرۋ جۇرگىزىلىپ, بىرقاتار كەمشىلىكتەر انىقتالدى. وسى مەكەمەنىڭ شىعارعان قورىتىندىسىنا جۇگىنسەك, تۇنگى مەزگىلدە كۇكىرت سۋتەگىنىڭ كونتسەنتراتسياسى مولشەرى 140 ەسەدەن اسىپ كەتەدى ەكەن. «ءبىر عانا «اقجايىق-7» جاۋاپكەرشىلىگى شەكتەۋلى سەرىكتەستىگىنىڭ ءوندىرىسى قورشاعان ورتاعا وراسان زالالىن تيگىزۋدە. ويتكەنى, بۇل جەردە مۇناي ونىمىنەن بوساعان تسيستەرنالاردى جۋاتىن ستانسانىڭ قىزمەتى تالاپقا ساي ەمەس. سوندىقتان بۇل سەرىكتەستىك جۇمىسىن توقتاتۋ تۋرالى سوتقا تالاپ-ارىز جولدايمىز», دەيدى وبلىستىق ەكولوگيا دەپارتامەنتىنىڭ باسشىسى ەربول قۋانوۆ.
جوعارىدا اتالعان ءوندىرىس وشاقتارىنىڭ بىردە-بىرەۋىندە اۋاعا شىعاتىن زياندى قالدىقتاردى ۇستاپ قالاتىن قوندىرعىلار ورناتىلماعان. مۇنداي دەرەك جەرگىلىكتى وڭىردە بۇعان دەيىن دە تىركەلگەن كورىنەدى. وسىعان بايلانىستى تۇرعىندار مۇناي ونىمىمەن اينالىساتىن ءوندىرىس وشاقتارىنا تۇپكىلىكتى تەكسەرۋ جۇرگىزۋ قاجەتتىگىن العا تارتىپ وتىرادى.
دانيار تۇيمەباي.