«حالىق – قاتەسىز سىنشى», «اينا اينا ەمەس, حالىق – اينا» دەگەندى بابالارىمىز تەگىننەن تەگىن ايتپاعان. ءومىر كورىپ, كوڭىلگە توقىعاندىقتان, ونى اتالى سوزگە سىيعىزىپ, ارتىنداعى ۇرپاققا امانات ەتكەن. اسىرەسە, مەملەكەتتىك قىزمەتتە تەر توگىپ جۇرگەن ازامات وزدەرىنىڭ حالىققا قىزمەت ەتۋى كەرەك ەكەنىن, قاراپايىم حالىق قالاسا, حاننىڭ ءوزى كوپشىلىكتىڭ تىلەگىن ورىندايتىنىن جادىندا ۇستاۋى شارت.
«حالىق – قاتەسىز سىنشى», «اينا اينا ەمەس, حالىق – اينا» دەگەندى بابالارىمىز تەگىننەن تەگىن ايتپاعان.ء ومىر كورىپ, كوڭىلگە توقىعاندىقتان, ونى اتالى سوزگە سىيعىزىپ, ارتىنداعى ۇرپاققا امانات ەتكەن. اسىرەسە, مەملەكەتتىك قىزمەتتە تەر توگىپ جۇرگەن ازامات وزدەرىنىڭ حالىققا قىزمەت ەتۋى كەرەك ەكەنىن, قاراپايىم حالىق قالاسا, حاننىڭ ءوزى كوپشىلىكتىڭ تىلەگىن ورىندايتىنىن جادىندا ۇستاۋى شارت. مۇنى ەلباسىمىز ن.نازارباەۆ تا ءوزىنىڭ «ا» كورپۋسىنا ىرىكتەلگەن ماماندار اراسىندا سويلەگەن سوزىندە: «ءبىزدىڭ ءبارىمىز جالاقىنى مەملەكەتتەن, بيۋدجەتتەن الامىز. ءبىزدى قوعام مۇشەلەرى – قازاقستان ازاماتتارى اسىراپ وتىر. ەندەشە, ءبىز وسى حالىققا قىزمەت ەتۋگە ءتيىسپىز! مۇنى ۇمىتۋعا بولمايدى», – دەپ تۇيىندەپ, قاتاڭ ەسكەرتۋ جاساعان ەدى.
اق پەن قارانى سارالايتىن سوت قۇرىلىمى دا حالىقتىڭ قۇقىعىن قورعاپ, مەملەكەتتەگى ادىلدىككە سىنا تۇسىرمەۋ ءۇشىن قالتقىسىز جۇمىس ىستەۋدى ماقسات ەتەدى. «كوزسىز كۇنەلتسەڭ دە, كوپسىز كۇنەلتە المايسىڭ», دەمەكشى, سوت قۇرىلىمى بەدەلىنىڭ دە قالىپتاسىپ, مارتەبەسىنىڭ ارتۋىنا قاراپايىم جۇرتشىلىقتىڭ ىقپالى زور. سوت سالاسىندا جۇرگىزىلگەن رەفورمالاردىڭ, ىزگى باستامالاردىڭ اسەرىنەن بولار, قازىر تالاپ-ارىزىن ارقالاپ سوتقا كەلەتىن, سوتتى قورعانىم دەپ سەنەتىن جاندار كوبەيىپ كەلەدى. ونى سۋديالار جۇكتەمەسىنىڭ جىل وتكەن سايىن جوعارىلاپ وتىرعانىنان دا بايقاۋعا بولادى. ەندىگى جەردە وسى جىلدار بويى جيناعان بەدەلدىڭ بيىگىن الاسارتپاي, سوت سالاسىن ساليقالى, ساپالى تورەلىك الاڭىنا اينالدىرۋ باعىتىنداعى جۇمىستاردى جانداندىرا تۇسكەن ءجون. كەز كەلگەن سالانىڭ تىرەگى – ماماندار. وسى تۇرعىدان العاندا, مەملەكەتتىك قىزمەتكەردىڭ ءبىلىمى مەن بىلىگىنە نازار اۋدارىپ, ولاردىڭ كوپشىلىكپەن تىلدەسۋىنە, ءوزىن ءوزى ۇستاۋىنا ءمان بەرگەن دۇرىس.
سوت سالاسىنىڭ بەدەلى تەك سۋديالاردىڭ بولمىسىنا, شەشىمىنە قاراپ قانا باعالانبايدى. سوت بيلىگىنە دەگەن العاشقى كوزقاراس, العاشقى اسەر عيماراتقا كىرگەندە ازاماتتاردى قارسى الىپ, جول كورسەتەتىن مامانداردىڭ ءىلتيپاتىنان, ىزەتتىلىگىنەن قالىپتاسادى. وسىعان وراي, سوت تابالدىرىعىن اتتاعان ازاماتتارعا قۇقىقتىق كومەك كورسەتەتىن, بىلمەگەنىن ءتۇسىندىرىپ, قولداۋ بىلدىرەتىن ماماندار العىر, زەرەك بولۋمەن قاتار, شىدامدى, سارابدال بولعاندارى ءجون. بۇگىنگى زاماننىڭ وزىق تەحنولوگياسىن كورسەتىپ, جاڭالىقتاردى جۇرتشىلىق ساناسىنا ءسىڭىرۋ دە وسى مامانداردىڭ بىلىكتىلىگىنە بايلانىستى. سوتتاعى وزىق ىستەردى ماماندار ءتۇسىندىرىپ, جەتكىزبەسە, بۇل قۇرىلىمعا ءبىرىنشى رەت ءىسى ءتۇسىپ وتىرعان ازاماتتار ءىستىڭ ءمان-جايىن قايدان بىلەدى؟ سوت جۇيەسىنە قاتىستى ونىڭ پىكىرى قالاي قالىپتاسادى؟ نەعۇرلىم كوپ, نەعۇرلىم كەڭ ماعلۇمات العان حالىقتىڭ سول سالاعا قاتىستى ايتار پىكىرى, لەبىزى دە وڭ بولماق.
سوندىقتان, سوت قۇرىلىمىنىڭ بەدەلىنە نۇقسان كەلتىرمەس ءۇشىن بىلىكتى مامانداردى ىرىكتەپ الۋمەن قاتار, ولاردىڭ ءمىنسىز قىزمەت ەتۋىن دە نازاردا ۇستاۋ كەرەك. كەز كەلگەن مەملەكەتتىك قىزمەتكەر «قاتاردان اسساڭ دا, حالىقتان اسپاق جوق» دەگەندى جادىنان شىعارماسا دەيمىز.
تۇرسىن قوشاەۆا,
شالقار اۋداندىق سوتىنىڭ كەڭسە مەڭگەرۋشىسى.
اقتوبە وبلىسى.