قر قورعانىس ءمينيسترىنىڭ ورىنباسارى تيمۋر داندىباەۆ باسقا ەلدەرمەن اسكەري-تەحنيكالىق ىنتىماقتاستىق تۋرالى ايتتى, دەپ حابارلايدى Egemen.kz.
«ۇقشۇ اياسىندا اسكەري-تەحنيكالىق ىنتىماقتاستىق جۇزەگە اسىرىلۋدا. 1992 جىلدىڭ 15 مامىرىندا قابىلدانعان ۇجىمدىق قاۋىپسىزدىك تۋرالى شارتقا سايكەس رەسەي تاراپى قازاقستانعا اسكەري ونىمدەردى جەڭىلدىك لگوتالارىمەن جەتكىزەدى», دەدى تيمۋر داندىباەۆ وكق بريفينگىندە.
ونىڭ ايتۋىنشا, ەكىجاقتى فورماتتا قازاقستان 40-تان استام ەلمەن اسكەري-تەحنيكالىق ىنتىماقتاستىق قاتىناستارىن دامىتۋدا.
«قازىرگى كەزدە قورعانىس مينيسترلىگى شەتەلدىك قارۋ-جاراق پەن اسكەري تەحنيكانى ساتىپ الۋدى ءارتاراپتاندىرۋ بويىنشا جۇمىس جۇرگىزۋدە», دەپ قورىتىندىلادى سپيكەر.