يسپانيا كورولى حۋان كارلوس I-ءنىڭ قىزى كريستينا مارياعا زاڭسىز جولمەن تابىلعان اقشالاردى اۋدارۋ مەن سالىق قۇقىعىن بۇزۋ ارەكەتتەرى بويىنشا ايىپ تاعىلىپ وتىر. بۇل تۋرالى يتار-تاسس حابارلادى.
كريستينا ماريا 8 ناۋرىزدا وتەتىن تەرگەۋگە شاقىرىلدى. يسپانيا سوت ورگاندارىنىڭ مالىمەتى بويىنشا, مۇنداي شەشىمدى كورولدىڭ كۇيەۋ بالاسى ينياكي ۋردانگاريننىڭ قىلمىستىق ءىسى بويىنشا تەرگەۋ جۇرگىزىپ جاتقان بەلەار ارالدارى سوت پالاتاسىنىڭ سۋدياسى حوسە كاسترو قابىلداعان.
حوسە كاسترو كريستينا ماريانىڭ ءتۇرلى جوبالاردى ىسكە اسىرۋ ءۇشىن «نووس» ينستيتۋتىنا بولىنگەن مەملەكەتتىك قارجىنى اۋدارۋ ماقساتىندا «ايزوون» كومپانياسىنىڭ شوتتارىن قولدانعانى دالەلدەنىپ وتىرعانىن العا تارتتى. ال مەملەكەتتىك قاراجات بولىنگەن «نوسس» ينستيتۋتىن ونىڭ كۇيەۋى ينياكي ۋردانگارين باسقارعان. سونداي-اق ەرلى-زايىپتىلار اقشا اۋدارۋعا پايدالانىلعان «ايزوون» كومپانياسىنىڭ دا يەلەرى بولىپ شىققان كورىنەدى.
ەگەر كريستينا ماريانىڭ كىناسى دالەلدەنەتىن بولسا, ول 6 جىلعا دەيىن باس بوستاندىعىنان ايىرىلۋى مۇمكىن.
ايدار ورىسباەۆ.
دەرەككوز: Itar-tass.com
فوتو: Itar-tass.com