ايماعىمىزدا تۇرعىن ءۇي-كوممۋنالدىق شارۋاشىلىعىن جاڭعىرتۋ شاراسى جۇرگىزىلە باستاعانىنا قۋانىپ قالعان ەدىك. ماسەلەن, بۇل باعدارلاما بويىنشا ۇيلەردى جوندەۋگە جەرگىلىكتى بيۋدجەتتەن قاراجات ءبولىنۋى قاراستىرىلۋى, ونىڭ ءبىر بولىگىن تۇرعىندار تولتىرۋى ماسەلەنى شەشۋگە سەپتىك ەتەرىنە سەنگەنبىز.
ايماعىمىزدا تۇرعىن ءۇي-كوممۋنالدىق شارۋاشىلىعىن جاڭعىرتۋ شاراسى جۇرگىزىلە باستاعانىنا قۋانىپ قالعان ەدىك. ماسەلەن, بۇل باعدارلاما بويىنشا ۇيلەردى جوندەۋگە جەرگىلىكتى بيۋدجەتتەن قاراجات ءبولىنۋى قاراستىرىلۋى, ونىڭ ءبىر بولىگىن تۇرعىندار تولتىرۋى ماسەلەنى شەشۋگە سەپتىك ەتەرىنە سەنگەنبىز. قانشا ايتقانمەن, سەنىم ازايعان پيك-تەردەن گورى اكىمدىكتەردىڭ باقىلاۋى ارقىلى تاپسىرىستى ناقتى ورىنداۋشىلاردىڭ ىسكە تارتىلۋى وڭ وزگەرىس كورىنگەن. الايدا, قاداعالاۋ قاتاڭ بولمايىنشا مۇندا دا شالا-شارپى جۇمىستار, پايداكۇنەمدىك ورىن العاندىعىن بىلتىر قالامىزداعى جامبىل كوشەسى بويىنداعى 67-ۇيگە كەڭ كولەمدى جوندەۋ جۇمىستارى ءجۇرگىزىلۋ بارىسىندا بايقالىپ قالدى. سول ءۇشىن بولىنگەن 40 ميلليون تەڭگەنىڭ شىندىعىن ايتقاندا, ءۇيدىڭ بارلىق جاعىنان جاڭارۋىنا پايداسى شامالى بولدى. ونىڭ قالالىق اكىمدىككە قاراعان جاعىنىڭ عانا سىرتى ادەمى ماتەريالمەن قاپتالىپ, جارقىراسا, سىرت كوزگە تۇسىڭكىرەمەيتىن تۇستارى سول قالپىندا قالدى. ەڭ وكىنىشتىسى, جەرتولە, جىلۋ, اۋىزسۋ قۇبىرلارى تولىق تازارتىلماي, ساپالى جوندەلمەگەن قالپىندا قالدى. مۇنداي شالاعاي ىستەر 1 ا شاعىن اۋدانىنداعى 16 جانە 17-ۇيلەردە دە ورىن الدى. بىلۋىمىزشە, 2016 جىلعا دەيىن وبلىس قالالارىندا 544 ءۇي جوعارىداعى باعدارلاما بويىنشا جاڭارعان قالىپقا كەلتىرىلمەك كورىنەدى. سوندىقتان ونى ىسكە اسىرۋشىلارعا تالاپتى كۇشەيتۋ قاجەت.
الەكساندر شيريانكين,
ساران قالاسىنىڭ تۇرعىنى.
قاراعاندى وبلىسى.