ءوندىرىستى وڭىردە بۇل كۇندەرى 50 مەكتەپ بولسا, ونىڭ 21-ءى قازاق تىلىندە ءبىلىم بەرەدى.
ءوندىرىستى وڭىردە بۇل كۇندەرى 50 مەكتەپ بولسا, ونىڭ 21-ءى قازاق تىلىندە ءبىلىم بەرەدى.
25 بالاباقشا بار. وسى جىلى 1933 ءسابي دۇنيەگە كەلىپتى. جۋىردا عانا قالادا كۇردەلى «اقبوتا» بالالار باقشاسى اشىلدى. وعان قالالىق بيۋدجەتتەن 70 ميلليون تەڭگەدەي قاراجات ءبولىنىپتى. بالاباقشا مەڭگەرۋشىسى ليۋدميلا لابۋدكونىڭ ايتۋىنشا, 13 توپتا, قازاق جانە ورىس ءتىلدەرىندە تاربيەلەنەتىن 320 بالا بار. بالالار باقشاسىندا «مونتەسسوري» جانە «سەنسوريكا» اتتى پەداگوگيكالىق تەحنولوگيا ۇلگىلەرى قولدانىلماق. ءبىزدىڭ ەلىمىزدەگى باسقا باعدارلامالاردان ەرەكشەلىگى, سابيلەردى ءوزىن-ءوزى دامىتۋعا, وزدەرىنىڭ قالاعان ءىستەرىمەن اينالىسۋعا جانە الەمدى ءوز قۇلشىنىسىمەن تانۋعا مۇمكىندىك بەرەدى. ياعني مونتەسسوري پەداگوگيكاسى حح عاسىردىڭ ءبىرىنشى جارتىسىندا 1909 جىلى يتاليالىق پەداگوگ ماريا مونتەسسوري تاراپىنان جاسالعان تاربيەلەۋ جۇيەسى كورىنەدى. بۇل ادىستەمە ءاربىر تاربيەلەنۋشىگە دەگەن دارا تاسىلدەمەگە نەگىزدەلگەن. بالالار ديداكتيكالىق ماتەريالدار مەن ساباق ۇزاقتىعىن ءاردايىم وزدەرى تاڭداي وتىرىپ, وزىندىك ويلاۋ, وزىندىك ەركىن باعىتتا داميدى. سەنسورلىق بالالار دەگەنىمىز – ءوز ىسىنە ءوزى ءسۇيسىنىپ, ءوزىن-ءوزى تانۋ.
ەكىباستۇزدا ەلىمىزدە قابىلدانعان «بالاپان» باعدارلاماسىن ىسكە اسىرۋ اياسىندا بالالاردى بالاباقشامەن قامتاماسىز ەتۋ 95,5 پايىزدى قۇراپ وتىر. جاڭا بالاباقشاعا ماريا مونتەسسوريدىڭ ۇلگىسىمەن تاربيەلەنەتىن «اقبوتانىڭ» سەنسورلىق بالالارىنا سپورتتىق مودۋلگە ارنالعان سەرتيفيكات تابىستالدى. كىمنىڭ پەداگوگيكاسىن وقىسا دا قازاقتىڭ ۇلتتىق تانىمدىق تاربيەسىنە جەتپەيتىنىن كەش ءتۇسىنىپ قالماساق بولدى...
فاريدا بىقاي,
«ەگەمەن قازاقستان».
ەكىباستۇز.