وبلىس اكىمى ارحيمەد مۇحامبەتوۆ «اقتوبە» كومانداسىنىڭ فۋتبولشىلارىن قابىلدادى. بىلتىر اقتوبەلىك اياق دوپ شەبەرلەرىنىڭ بەسىنشى رەت ەلىمىزدىڭ چەمپيونى بولعانى بەلگىلى. كەزدەسۋدە ءسوز العان ءوڭىر باسشىسى قازاقستان فۋتبولىنىڭ ءجۇز جىلدىعىنا كوماندا ۇجىمى لايىقتى تابىستار تارتۋ ەتكەنىن اتاپ ءوتتى.
وبلىس اكىمى ارحيمەد مۇحامبەتوۆ «اقتوبە» كومانداسىنىڭ فۋتبولشىلارىن قابىلدادى. بىلتىر اقتوبەلىك اياق دوپ شەبەرلەرىنىڭ بەسىنشى رەت ەلىمىزدىڭ چەمپيونى بولعانى بەلگىلى. كەزدەسۋدە ءسوز العان ءوڭىر باسشىسى قازاقستان فۋتبولىنىڭ ءجۇز جىلدىعىنا كوماندا ۇجىمى لايىقتى تابىستار تارتۋ ەتكەنىن اتاپ ءوتتى. ەل چەمپيونى بولىپ, ەۋروپا ليگاسىندا ءۇش كەزەڭ ويىندارىن وتكىزىپ, توپتىق كەزەڭگە دەيىن جەتكەن «اقتوبە» كومانداسى ويىنشىلارىنا بوساعادان اتتاعان جاڭا جىلدا وسى تابىستى لايىقتى جالعاستىرۋدى تاپسىردى. الداعى فۋتبول ماۋسىمىنا كوماندانىڭ 90 پايىز جاساقتالعانىن, بۇل ازىرلىك ۇجىمعا ۇيىمشىل دا ورنەكتى ويىن كورسەتۋگە مۇمكىندىك بەرەتىنىنە توقتالدى.
ارحيمەد بەگەجان ۇلى اكىمدىك تاراپىنان فۋتبولشىلارعا بارلىق جاعداي جاسالاتىنىن, قوبىلاندى باتىر اتىنداعى ورتالىق ستاديوننىڭ ۋەفا تالاپتارىنا ساي ءىشىنارا قايتا جاراقتاندىرىلىپ, كۇردەلى جوندەلەتىنىن جەتكىزدى. قارجىلىق جانە جانكۇيەرلىك قولداۋدان دا كەندەلىك بولمايتىنىن جاسىرمادى. كوماندا نەگىزىنەن بۇرىنعى ويىنشىلارمەن جاساقتالعانىن, جاڭادان تاعى دا ەكى ويىنشى قوسىلاتىنىن ايتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.