كەشە, ەلىمىز اۋماعىنداعى جولداردا ءارتۇرلى جاعدايلارمەن قالىپ قويعان 120 جولاۋشىعا كومەك كورسەتىلدى. بۇل تۋرالى «حابار» تەلەارناسى حابارلادى.
اقمولا وبلىستىق توتەنشە جاعدايلار دەپارتامەنتىنىڭ مالىمەتىنە جۇگىنسەك, «استانا-شىدەرتى» باعىتىنداعى تاس جولدىڭ 118-ءشى شاقىرىمىندا اۆتوبۋس بۇزىلىپ, قۇتقارۋشىلار 50 جولاۋشىنى دىتتەگەن جەرىنە جەتكىزگەن. پاۆلودارعا قاراي جولعا شىققان ەكىنشى كولىك تە «استانا-پاۆلودار» تراسساسىندا توقتاپ قالعان ەكەن. ونىڭ ىشىندەگى 30 جولاۋشىعا دا كومەك كورسەتىلدى.
شىعىس قازاقستان وبلىسىنىڭ زايسان قالاسىنان استاناعا قاراي بەت العان ءۇشىنشى اۆتوبۋس اقمولا وبلىسىنىڭ تسەلينوگراد اۋدانى ماڭىندا قاتتى ايازعا شىداس بەرمەي, جارتى جولدا بۇزىلىپ قالعان. الايدا, وسى اۆتوبۋستا بولعان 40 جولاۋشىعا باسقا كولىك ءبولىندى.
توتەنشە جاعدايلار مينيسترلىگىنىڭ مالىمەتى بويىنشا, وتكەن سەنبى كۇنى ەل اۋماعىنداعى جولداردا بۇزىلىپ, دالادا قالىپ قويعان كولىكتەردەن 177 ادام قۇتقارىلعان. ال «قازگيدرومەت» ماماندارى رەسپۋبليكا كولەمىندە قاتتى اياز بۇگىن دە بولاتىنىن ەسكەرتەدى.
باقىتبەك كەنەش ۇلى.
دەرەككوز: «حابار» تەلەارناسى
فوتو: Sky 24. ru.