اتىراۋ وبلىسىنىڭ ءتارتىپ ساقشىلارى جاڭا جىل قارساڭىندا كاسىپكەردى ۇرىپ-سوعىپ, دۇنيە-مۇلكىن توناعان ۇرىلاردىڭ ءبىرىن قولعا ءتۇسىردى. بۇل تۋرالى «حابار» تەلەارناسى حابارلادى.
بۇل وقيعا قۇلسارى قالاسىندا ورىن العان. ەكى كۇدىكتى بەتپەردە كيىپ, كاسىپكەردىڭ وتباسىن پىشاقپەن قورقىتۋ ارقىلى 10 مىڭ دوللار مەن قىمبات باعالى زاتتاردى الىپ كەتكەن. وسى ءىس بويىنشا جەدەل قۇرىلعان ارنايى توپ كۇدىكتىنىڭ ءبىرىن ۇستادى.
«كاسىپكەردى توناعان 23 جاستاعى كۇدىكتىنىڭ ءبىرى ۋاقىتشا وقشاۋلاعىشقا قامالدى. ودان ۇرلىققا قاتىستى ايعاق زاتتار تابىلدى. بۇرىن سوتتالعان ەكىنشى كۇدىكتى ىزدەستىرىلۋدە», - دەيدى وبلىستىق ىشكى ىستەر دەپارتامەنتى ءباسپاسوز قىزمەتىنىڭ جەتەكشىسى گۇلنازيرا مۇحتاروۆا.
باقىتبەك كەنەش ۇلى.
دەرەككوز: «حابار» تەلەارناسى
فوتو: ntv. ru