ەلىمىزدىڭ جەكەلەگەن ايماقتارىندا كۇن سۋىتادى

«قازگيدرومەت» رمك ەل ايماقتارىندا داۋىل بولاتىنىن ەسكەرتەدى. بۇل تۋرالى «قازاقستان» تەلەارناسى حابارلادى.

4-5 قاڭتاردا قوستاناي, اقتوبە, اقمولا, سولتۇستىك قازاقستان مەن پاۆلودار وبلىستارىندا, 4-6 قاڭتار ارالىعىندا قاراعاندى وبلىسىندا, 5-6 قاڭتاردا شىعىس قازاقستان وبلىسىندا اۋا تەمپەراتۋراسىنىڭ كۇرت تومەندەۋى كۇتىلۋدە.تۇندە تەمپەراتۋرا 30-35 گرادۋسقا دەيىن, كەي جەرلەردە 38-گە دەيىن, كۇندىز 23-28, كەي جەرلەردە 31 گرادۋسقا دەيىن تومەندەيدى.

 4-6 قاڭتاردا قىزىلوردا وبلىسىندا تۇندە 20-25, كەي جەرلەردە 30 گرادۋسقا دەيىن, كۇندىز 15-23 گرادۋسقا دەيىن اياز بولادى. 5-6 قاڭتاردا الماتى, جامبىل مەن وڭتۇستىك قازاقستان وبلىستارىندا تۇندە 15-20, كەي جەلەردە 25 گرادۋسقا دەيىن اياز بولادى, كۇندىز اۋا تەمپەراتۋراسى 10-15, كەيبىر جەرلەردە 18 گرادۋسقا دەيىن تومەندەۋى مۇمكىن.

باقىتبەك كەنەش ۇلى.

دەرەككوز: «قازاقستان» تەلەارناسى

فوتو: newskaz. ru