جىلدىڭ جامانى جوق. جيىرما توعىزعا اياق باساتىن جىلىم – جىلقى جىلى دا جامان بولماس دەپ ويلايمىن. وسى جىلدار ىشىندە قازاق كۇرەسىنىڭ داڭقىن الەمگە تانىتىپ, ءبىر رەت الەم چەمپيونى, ءبىر رەت ازيا چەمپيونى اتاندىم. ەلىمىزدەگى «تۇيە بالۋان» نامىمەن وتكەن جارىستاردىڭ 18 مارتە جەڭىمپازى بولدىم. 2012 جىلى قازاقستان پرەزيدەنتىنىڭ جۇلدەسى ساراپقا سالىنعان «قازاقستان بارىسى» تۋرنيرىندە توپ جارىپ, زاڭعار بيىكتەن كورىندىم. ءوتىپ بارا جاتقان جىلان جىلىن دا ءوزىم ءۇشىن جامان بولدى دەپ ايتا المايمىن. جامبىل وبلىسىنىڭ ورتالىعىنداعى جاڭادان اشىلعان «تاراز-ارەنا» سپورت سارايىندا تۇڭعىش رەت وتكەن «ەۋرازيا بارىسى» حالىقارالىق تۋرنيرىندە قازاقستان قۇراماسىمەن بىرگە جەڭىمپاز اتاندىم. شەشۋشى ساتتە موڭعول الىبىمەن بولعان بەلدەسۋىم دە ەل ەسىندە بولار, ءسىرا.
جىلدىڭ جامانى جوق. جيىرما توعىزعا اياق باساتىن جىلىم – جىلقى جىلى دا جامان بولماس دەپ ويلايمىن. وسى جىلدار ىشىندە قازاق كۇرەسىنىڭ داڭقىن الەمگە تانىتىپ, ءبىر رەت الەم چەمپيونى, ءبىر رەت ازيا چەمپيونى اتاندىم. ەلىمىزدەگى «تۇيە بالۋان» نامىمەن وتكەن جارىستاردىڭ 18 مارتە جەڭىمپازى بولدىم. 2012 جىلى قازاقستان پرەزيدەنتىنىڭ جۇلدەسى ساراپقا سالىنعان «قازاقستان بارىسى» تۋرنيرىندە توپ جارىپ, زاڭعار بيىكتەن كورىندىم. ءوتىپ بارا جاتقان جىلان جىلىن دا ءوزىم ءۇشىن جامان بولدى دەپ ايتا المايمىن. جامبىل وبلىسىنىڭ ورتالىعىنداعى جاڭادان اشىلعان «تاراز-ارەنا» سپورت سارايىندا تۇڭعىش رەت وتكەن «ەۋرازيا بارىسى» حالىقارالىق تۋرنيرىندە قازاقستان قۇراماسىمەن بىرگە جەڭىمپاز اتاندىم. شەشۋشى ساتتە موڭعول الىبىمەن بولعان بەلدەسۋىم دە ەل ەسىندە بولار, ءسىرا.
قازاق حالقى جىلقى مالىن ەرەكشە باعالاعان. ونى «ات – ەردىڭ قاناتى», «جىلقىنىڭ ءسۇتى – شەكەر, ەتى - بال» دەپ ارداق تۇتقان. مەن دە اۋىلدىڭ بالاسى بولعاندىقتان, جىلقىنىڭ ادام قىزىعاتىن قاسيەتتەرىن كورىپ, ءبىلىپ ءوستىم. حالقىمىزدا «ات تۇياعىن تاي باسار», «الىپ انادان تۋادى, تۇلپار بيەدەن تۋادى» دەگەن قاناتتى سوزدەر بار. ءبىز كەشەگى قاجىمۇقان, بالۋان شولاق, جاقسىلىق ۇشكەمپىروۆ, ءشامىل سەرىكوۆ, داۋلەت تۇرلىحانوۆ, الماس مۇسابەكوۆ سىندى اتاعى الىسقا تاراعان بەلگىلى بالۋانداردىڭ ءىزىن باسىپ كەلەمىز.
سوندىقتان, «تۇلپار بولار ق ۇلىندى مۇشەسىنەن تانيسىڭ» نەمەسە «قۇنان اتقا جەتكىزەر, ات مۇراتقا جەتكىزەر» دەگەندەي, قازاق ەلىنىڭ داۋلەتى مەن ساۋلەتى جىلقى جىلى دا اسىپ-تاسا بەرەدى دەپ ويلايمىن. ول ءۇشىن ەڭ الدىمەن ەلدە تىنىشتىق, بەرەكە مەن بىرلىك سالتاناتى نىعايعان ۇستىنە نىعايا بەرۋى ءتيىس. قالىڭ ەلىمىز – قازاعىمىز سوندا عانا ناعىز باقىتقا قول جەتكىزەدى. ءبىز سياقتى سپورتشىلاردىڭ دا «ەكىنشى تىنىسى» اشىلىپ, تالانتى ۇشتالا تۇسەدى. اينالامىزداعى ەلدەرگە قاراساڭ قارا ءشايدىڭ ءوزىن تىنىشتىقپەن ءىشۋدى اڭساپ وتىرعان حالىقتى كورەسىڭ. كورەسىڭ دە قابىرعاڭ قايىسادى. نەگىزى, دانا حالقىمىز «ءبىر كۇن ۇرىس بولعان ۇيدەن, مىڭ كۇن ىرىس كەتەدى» دەپ بەكەرگە ايتپاعان. وعان سوناۋ سيريا, ەگيپەت, اۋعانستان سياقتى تاعى باسقا دا بەرەكە مەن بىرلىگىنەن ايىرىلىپ, باستارى قوسىلماي جاتقان مەملەكەتتەردىڭ مۇڭعا تولى مىسالى دالەل. قالالارى قيراندى مەن ۇيىندىگە اينالسا, دالالارى جارىلعان بومبانىڭ شۇرق تەسىك شۇڭقىرلارىنا اينالىپ جاتىر. «قۇنان اتقا جەتكىزەر, ات مۇراتقا جەتكىزەر» دەگەن. قازاق حالقى دا تۇلپارداي تالانتتى ۇلدارى مەن قىزدارى ارقىلى جىل سايىن مۇراتىنا جەتىپ كەلەدى.
باپكەرىم ەلدوس دالاباي ەكەۋمىزدىڭ بوس ۋاقىتىمىز جوق. كۇندە جاتتىعۋ. جارىس بولاتىن ۋاقىتقا ءبىر اي قالدى ما, جوق, ءالى ءبىر جىل بار ما وعان قارامايمىز, ياعني كۇن سايىن تەر توگۋ. مەنىڭ جاڭا جىلدان كۇتەرىم تەك قانا جەڭىس. ول جەڭىس مەنىڭ وتباسىما عانا ەمەس, ەلگە دە بولسىن. ەل دەپ جۇرگەن ەرگە دە بولسىن!
بەيبىت ىستىباەۆ,
«قازاقستان بارىسى» جانە «ەۋرازيا بارىسى»
تۋرنيرلەرىنىڭ جەڭىمپازى, قازاق كۇرەسىنەن
الەم جانە ازيا چەمپيونى.
جامبىل وبلىسى.