«قازاقستان» ۇلتتىق ارناسى ءوز حابارلارىن تولىعىمەن قازاق تىلىندە كورسەتە باستاعالى بۇرىن-سوڭدى بولماعان بيىك ساتىعا كوتەرىلدى.
كوش باستاۋدىڭ تاعى ءبىر سىرى – تەلەارنا جىل سايىن كورەرمەندى باۋراپ الار تىڭ جوبالاردى ويلاپ تابۋدا. بيىل دا حالىقتىڭ سۇيىكتى ارناسى جۇرتشىلىقتى كوزايىم جوبالارمەن قۋانتۋعا اسىعادى. جاڭا ماۋسىمدا «قازاقستان» ۇتا بىرقاتار جاڭا مەگا-جوبالاردى, اقپاراتتىق-ساراپتامالىق, دەرەكتى-تانىمدىق دۇنيەلەردى, جاڭا توك-شوۋلار مەن كوڭىل جادىراتار ويىن-ساۋىقتىق جانە مۋزىكالىق-سازدى باعدارلامالاردى ۇسىنباق. وسى جىلى كورەرمەننىڭ ەرەكشە سۇرانىسىنا يە وتاندىق تەلەحيكايالاردىڭ جاڭا ءبىر لەگىنىڭ تۇساۋى كەسىلەدى. مۇندا ءتول تەلەحيكايالارمەن بىرگە الەمنىڭ وزىق كينوكومپانيالارى تۇسىرگەن كوركەم كينوتۋىندىلار مەن دەرەكتى فيلمدەردى تاماشالاۋعا مۇمكىندىك تۋادى. قىستىڭ قىراۋلى كۇندەرىن جازدىڭ جايماشۋاق اسەرىنە تولتىرۋعا مۇددەلى قاۋىمعا «قازاقستان» ۇلتتىق ارناسى جاڭا ماۋسىمدا بىرقاتار تىڭ تارتۋلار ازىرلەدى.
«قازاقستان» ۇلتتىق ارناسى ءوز حابارلارىن تولىعىمەن قازاق تىلىندە كورسەتە باستاعالى بۇرىن-سوڭدى بولماعان بيىك ساتىعا كوتەرىلدى.
كوش باستاۋدىڭ تاعى ءبىر سىرى – تەلەارنا جىل سايىن كورەرمەندى باۋراپ الار تىڭ جوبالاردى ويلاپ تابۋدا. بيىل دا حالىقتىڭ سۇيىكتى ارناسى جۇرتشىلىقتى كوزايىم جوبالارمەن قۋانتۋعا اسىعادى. جاڭا ماۋسىمدا «قازاقستان» ۇتا بىرقاتار جاڭا مەگا-جوبالاردى, اقپاراتتىق-ساراپتامالىق, دەرەكتى-تانىمدىق دۇنيەلەردى, جاڭا توك-شوۋلار مەن كوڭىل جادىراتار ويىن-ساۋىقتىق جانە مۋزىكالىق-سازدى باعدارلامالاردى ۇسىنباق. وسى جىلى كورەرمەننىڭ ەرەكشە سۇرانىسىنا يە وتاندىق تەلەحيكايالاردىڭ جاڭا ءبىر لەگىنىڭ تۇساۋى كەسىلەدى. مۇندا ءتول تەلەحيكايالارمەن بىرگە الەمنىڭ وزىق كينوكومپانيالارى تۇسىرگەن كوركەم كينوتۋىندىلار مەن دەرەكتى فيلمدەردى تاماشالاۋعا مۇمكىندىك تۋادى. قىستىڭ قىراۋلى كۇندەرىن جازدىڭ جايماشۋاق اسەرىنە تولتىرۋعا مۇددەلى قاۋىمعا «قازاقستان» ۇلتتىق ارناسى جاڭا ماۋسىمدا بىرقاتار تىڭ تارتۋلار ازىرلەدى.
سونىڭ ءبىرى – «قازاقستان داۋىسى» مەگا-جوباسى دەسەك, بۇل جاي تالانت-شوۋ عانا ەمەس, عاجاپ داۋىس يەلەرىن انىقتايتىن, ولاردى ەلگە تانىلعان كۇمىسكومەي تۇلعالارمەن قاتار قوياتىن تارتىمدى جوبا. مۇندا كاسىبي انشىلەر بايقاۋعا قاتىسۋشىلارعا وزدەرى كومەكتەسىپ, كورگەن-تۇيگەندەرىن ۇيرەتەدى. بىراق شاكىرتتەرىن قانشا قولداپ, جانى اشىعانىنا قاراماستان ولاردىڭ اراسىنان ەڭ مىقتىلاردى تاڭداۋلارى ءتيىس. بۇل – نەگىزىنەن الەمنىڭ 35 ەلىندە كورسەتىلىپ, رەيتينگ بويىنشا بار جەردە ەڭ جوعارى كورسەتكىشكە قول جەتكىزگەن تەلەجوبا. امەريكالىق نۇسقاسىندا ەكران الدىنا 37 ميلليوننان استام كورەرمەن جيناپ, وزىمەن باسەكەلەس وزگە تەلەجوبالاردى ارتقا ىسىرعان جوبانىڭ قازاقستاندىق ۇلگىسى دە ۇلكەن-كىشىنى بەي-جاي قالدىرماسى انىق.
تاعى ءبىر جاڭا جوبا «تۇنگى ستۋديادا – نۇرلان قويانباەۆ» دەپ اتالادى. مۇنىڭ وزگە باعدارلامالاردان ەرەكشەلىگى – جوبادا ورىندى ءازىل-قالجىڭ ارقىلى ساياسي سىناۋلار مەن ويلاندىرار ساۋالدار بولادى. باعدارلاما جۇرگىزۋشىسى مەن قاتىسۋشى قوناقتى جاندى داۋىستا ءتۇرلى مۋزىكالىق اسپاپتا وينايتىن توپ سۇيەمەلدەپ وتىرادى. باعدارلاما اپتاسىنا 4 رەت جارىققا شىعادى دەپ كۇتىلۋدە.
جاڭا جىلدا «ايەل باقىتى» توك-شوۋى ودان ءارى جالعاسىن تابادى. ءبىر قولىمەن بەسىكتى, ەكىنشى قولىمەن الەمدى تەربەتكەن ايەل بەدەلى, وتباسىنداعى ءرولى, الەۋمەتتىك جاعدايى, بالا تاربيەسىندەگى ماڭىزى مەن بۇگىنگى ەرلى-زايىپتىلار بولمىسى اڭگىمە وزەگىنە اينالا وتىرىپ, كەرەكتى كەڭەس, ادەمىلىكتىڭ قۇپياسى, ءسان جانە ت.ب. وزەكجاردى ماسەلەلەر ورتاعا سالىنادى. جاڭا توك-شوۋ تىكەلەي ەفيردە اپتاسىنا 5 رەت كورسەتىلەدى. بۇل باعدارلامانىڭ ەرەكشەلىگى – كورەرمەندەر تىكەلەي ەفير كەزىندە دە, ەفيردەن تىس ۋاقىتتا دا وزدەرىن قىزىقتىرعان ساۋالداردى تەلەفون ارقىلى نەمەسە ەلەكتروندى پوشتا ارقىلى جولداي الادى.
بيىل كورەرمەن, سونداي-اق, «شەتەلدەگى قازاق بالالارى» اتتى دەرەكتى تانىمدىق جوبانىڭ جالعاسىن تاماشالاي الادى. «شەتەلدەگى قازاق بالالارى» سەريالىق رەپورتاجىنىڭ باسقا ارنالاردا بالاماسى جوقتىڭ قاسى, «قازاقستان» ۇتا باستاماسىمەن ەلىمىزدە تۇڭعىش رەت قولعا الىنعان باعدارلامانىڭ نەگىزگى ماقساتى – شەتەل ازاماتتارى اسىراپ العان قازاقستاندىق بالالاردىڭ كەيىنگى تاعدىرىن بايانداۋ. وسىعان دەيىن ەۋروپالىقتار اسىراپ العان قازاق بالالارىنىڭ تاعدىرى جايىندا جان-جاقتى سىر شەرتىلسە, ەندى اقش پەن كانادادا جۇرگەن قاراكوزدەردىڭ تاعدىرىمەن تانىسۋعا مۇمكىندىك تۋادى.
جاڭا ماۋسىمدا كورەرمەن كوزايىمىنا اينالىپ ۇلگەرگەن «ۇلتتىق شوۋ», «ايتۋعا وڭاي», «الاڭ», «سىر-سۇحبات», «جارقىن بەينە», «كەلبەت», «اقساۋىت», «تاڭشولپان», «تەلقوڭىر», «جايدارمان», «جان جىلۋى», «تولاعاي», «ەكسپو جولى» باعدارلامالارى جالعاسىن تابا تۇسەدى.
تاعى ءبىر ماڭىزدى جاڭالىق, «قازاقستان» ۇتا-دا جاڭا ماۋسىمدا بىرنەشە وتاندىق تەلەحيكايالاردىڭ تۇساۋى كەسىلەدى دەپ جوسپارلانۋدا.
جاڭا جىلدا ۇلتتىق ارنا كورەرمەندەرگە «جەدەل جاردەم», «سىرعالىم» اتتى وتاندىق تەلەحيكايالاردى ۇسىنباق. ايتا كەتۋ كەرەك, «وليمپ شىڭى», «سۇڭقار», «ۇستاز», «اۋىل ساقشىسى», «اپكە» اتتى تەلەحيكايالار كورەرمەن كوزايىمىنا اينالىپ ۇلگەرسە, ەلىمىزدىڭ تۇكپىر-تۇكپىرىندە ەرلىك كورسەتىپ, باتىلدىعىمەن, وجەتتىگىمەن كوزگە ءتۇسىپ جۇرگەن جاندار جايلى دەرەكتى فيلمدەر توپتاماسى – «جانىڭدا ءجۇر جاقسى ادام» دا ءوز جالعاسىن تاپپاق.
وسى جىلدىڭ قارساڭىندا ۇلتتىق ارنانىڭ ءوز كورەرمەندەرىنە تاڭعاجايىپ جاڭا جىلدىق كوڭىل-كۇي سىيلاعانى تاعى ءبىر ايتارلىقتاي وقيعا دەۋ كەرەك. «تاڭعالدىرعان جاڭا جىل» اتتى ويىن-ساۋىق دۋمانىنىڭ اۆتورى – بەلگىلى ۋكراينالىق رەجيسسەر, پروديۋسەر الان بادوەۆ. جوبانىڭ جەلىسى بويىنشا مۋزىكالىق كومەديانىڭ ءۇش باستى كەيىپكەرى – بولاشاقتان كەلگەن ۋاقىت ساقشىلارى-پوليتسەيلەر –دۋلىعا (باستى كەيىپكەرى, ءيىسشىل), ازامات (قىراعى كوز) جانە جاناتبەك (ساق قۇلاق). ولار 2116 جىلدا ءومىر ءسۇرىپ, ءوزىنىڭ ايرىقشا ديزاينىمەن (كەيبىر تۇستارى كيىز ۇيگە ۇقساتىپ جاسالعان) جانە يننوۆاتسيالارىمەن جۇرتتى تاڭعالدىرىپ, ۇشاتىن تارەلكەدە قىزمەت ەتەدى. بولاشاق مەيماندارى قورشاعان كەڭىستىكتەگى وزدەرىن قىزىقتىرعان نىسانداردى فانتاستيكالىق ءتۇسسىز مونيتور ارقىلى باقىلاپ وتىرادى. كەيىپكەرلەردىڭ باستى ماقساتى – جاڭا جىلدى قارسى الۋعا كەدەرگى جاسايتىن وزگە پلانەتالىقتى ۇستاپ الۋ. ونى ىزدەۋ بارىسىندا ۋاقىت ساقشىلارى مونيتور ارقىلى استاناداعى جاڭا جىلدىق كورىنىستى باقىلايدى.
اللا پۋگاچەۆا, دميتري حۆوروستوۆسكي, اۆراام رۋسسو, ۆەركا سەرديۋچكا, ۆالەريا, جاننا فريسكە, فيليپپ كيركوروۆ, ماكس بارسكيح سىندى رەسەي ەستراداسىنىڭ تانىمال جۇلدىزدارىنا 70-تەن استام بەينەبايان ءتۇسىرىپ, ءوز ءىسىنىڭ حاس شەبەرى اتانعان الان بادوەۆتىڭ ۇلتتىق ارنا كورەرمەندەرىنە ۇسىنعان جاڭا جىلدىق جوباسى وزگە ارنالاردا كورسەتىلەتىن جوبالاردان مۇلدە بولەك ەدى. بۇل ونىڭ قازاقستان كورەرمەندەرىمەن العاشقى قاۋىشۋى ەمەس. بۇعان دەيىن تالانتتى پروديۋسەر الماتىلىقتارعا تمد مەن ەۋروپانىڭ مۋزىكالىق ارنالارىندا ايرىقشا تانىمالدىلىققا يە بولعان ZDance حوررور-ميۋزيكلىن ۇسىنسا, استانا قالاسىندا تيمۋر بەكمامبەتوۆتىڭ كينوفەستيۆالىنە قاتىسقان بولاتىن.
تەلەشوۋ اۆتورلارى ءداستۇرلى «كوگىلدىر الاۋ» پىشىمىندەگى ۇستەل باسىنداعى وتىرىستار مەن ديالوگتاردان باس تارتىپ, جوبانى قارقىندى سيۋجەت جەلىسىندە تۇسىرگەن. ارتىستەر ەرەكشە تالعاممەن بەزەندىرىلگەن دەكوراتسيادا, جارىق قويىلىمى مەن سۋبۇرقاقپەن جابدىقتالعان بىرنەشە ساحنالاردا ونەر كورسەتتى. ءاربىر ءنومىردى الان بادوەۆ بەينەبايان رەتىندە ءتۇسىردى. ءاربىر كادر يننوۆاتسيالىق بوياۋمەن قانىققان. ماسەلەن, ساحنادا بىردە «ءتىرى ەسكەرتكىشتەر», گولوگراممالار ۇسىنىلسا, ەندى بىرىندە باقتيار تايلاقباەۆتىڭ وتتى ميكروفونمەن ءان ايتقانى عاجاپ. جۇلدىز IL KANTO توبىمەن بىرگە ونەر كورسەتسە, كەيبىر ەسترادا جۇلدىزدارى ساحناعا جاڭا بەينەدە شىقتى. ماسەلەن, ءمادينا سادۋاقاسوۆا, «الاش ۇلى» توبى 60-شى جىلعى ەپاتاجدى ستيلدە ونەر كورسەتتى. روزا رىمباەۆا, ەسكەندىر حاسانعاليەۆ, لاكي كەسوگلۋ, پاسكال, نۇرلان ابدۋلين, ناعيما ەسقاليەۆا, ايگۇل يمانباەۆا, بۇركىت, ايشا, ارداق بالاجانوۆا, الماس كىشكەنباەۆ, ۇلىقپان جولداسوۆ, ماقپال يسابەكوۆا, «وردا», «KeshYou», «RINGO» توپتارى جانە ت.ب. ونەرلەرى شۋاقتى, مەرەكەلىك راۋىشكە تولى.
باستى رولدەگى دۋلىعانىڭ ءرولىن «قىز جىلاعان», «سىنىپتاستار» «ءبىرجان سال», «اگەنت Z» فيلمدەرى ارقىلى تانىمال دۋلىعا اكمولدا سومدادى. 30-عا جۋىق انيماتسيالىق فيلمدەردى دىبىستاعان اكتەردىڭ ورىنداعان «قۇبىجىقتار ۋنيۆەرسيتەتى» انيماتسيالىق مۋلتفيلمىندەگى مايك ۆازوۆسكيدىڭ دۋبلياجى ايتارلىقتاي تابىسقا يە. جاناتبەكتىڭ ءرولىن – بەلگىلى اكتەر, تەلەجۇرگىزۋشى, رەجيسسەر جانات ءبايتەكوۆ, ازاماتتىڭ بەينەسىن «پارىز», «باقسى» فيلمدەرى ارقىلى تانىمال اكتەر ازامات ساتىبالدى سومدادى.
تاناكوز تولقىنقىزى,
«قازاقستان» اق» رەسپۋبليكالىق
تەلەراديوكورپوراتسياسىنىڭ
ءباسپاسوز حاتشىسى.