شالاقىندىقتار دا بەلگىلەگەن مەجەلەردى ويداعىداي ورىنداپ, جىلقى جىلىن جاقسى كوڭىل كۇيمەن قارسى الىپ وتىر. بۇلايشا كوتەرىڭكى رۋحتا سويلەۋىمىزدىڭ سىرى بار. اۋداندار مەن پەتروپاۆل قالاسىنىڭ الەۋمەتتىك-ەكونوميكالىق دامۋ رەيتينگىسىندە اۋدان سوڭعى 3 جىل بويى كوش سوڭىندا قالىپ كەلدى. 23 كورسەتكىشتىڭ 9-ى بويىنشا تومەنگى دامۋ ساناتىنا ەندى. وسىعان وراي, وبلىستىق اكىمدىكتىڭ وتىرىسىندا اۋداننىڭ الەۋمەتتىك-ەكونوميكالىق تىعىرىقتان شىعۋ جولدارى قارالىپ, ايماق باسشىسى سامات ەسكەندىروۆتىڭ قولداۋىمەن ارنايى باعدارلاما قابىلداندى. جول, اۋىز سۋ, ينۆەستيتسيا, ءبىلىم, مەديتسينا سالالارىنا باسىمدىقتار بەرىلدى. ەندى, مىنە, جىل قورىتىندىلانىپ, «بالاپاندى سانايتىن» شاقتا تۇرعىنداردىڭ ءومىر ساپاسىن جاقسارتۋ, تۇرمىس دەڭگەيىن ارتتىرۋ, ەكونوميكالىق ءوسىمدى قامتاماسىز ەتۋدە التىنشى ساتىعا كوتەرىلدىك.
شالاقىندىقتار دا بەلگىلەگەن مەجەلەردى ويداعىداي ورىنداپ, جىلقى جىلىن جاقسى كوڭىل كۇيمەن قارسى الىپ وتىر. بۇلايشا كوتەرىڭكى رۋحتا سويلەۋىمىزدىڭ سىرى بار. اۋداندار مەن پەتروپاۆل قالاسىنىڭ الەۋمەتتىك-ەكونوميكالىق دامۋ رەيتينگىسىندە اۋدان سوڭعى 3 جىل بويى كوش سوڭىندا قالىپ كەلدى. 23 كورسەتكىشتىڭ 9-ى بويىنشا تومەنگى دامۋ ساناتىنا ەندى. وسىعان وراي, وبلىستىق اكىمدىكتىڭ وتىرىسىندا اۋداننىڭ الەۋمەتتىك-ەكونوميكالىق تىعىرىقتان شىعۋ جولدارى قارالىپ, ايماق باسشىسى سامات ەسكەندىروۆتىڭ قولداۋىمەن ارنايى باعدارلاما قابىلداندى. جول, اۋىز سۋ, ينۆەستيتسيا, ءبىلىم, مەديتسينا سالالارىنا باسىمدىقتار بەرىلدى. ەندى, مىنە, جىل قورىتىندىلانىپ, «بالاپاندى سانايتىن» شاقتا تۇرعىنداردىڭ ءومىر ساپاسىن جاقسارتۋ, تۇرمىس دەڭگەيىن ارتتىرۋ, ەكونوميكالىق ءوسىمدى قامتاماسىز ەتۋدە التىنشى ساتىعا كوتەرىلدىك.
قوعامدىق مالدى نەگىزىنەن جەكە ادامدار وسىرەدى. جاسىراتىنى جوق, اۋىل شارۋاشىلىعى قۇرىلىمدارىنىڭ بۇل باعىتتاعى بەلسەندىلىگى ءالى تومەن. سونىڭ سالدارىنان 2012 جىلى 17 شارۋاشىلىق بار-جوعى 649 مال اكەلگەن. بۇل – جوسپاردىڭ 26 پايىزى عانا. اۋداندا ءىرى تاۋار وندىرۋشىلەر قاتارى دا از. كوبى 500-1000 گەكتاردان اسپايتىن ۇساق فەرمەرلەر سانالادى. قولداعى رەزەرۆتەر مەن ىشكى مۇمكىندىكتەر جان-جاقتى زەرتتەلىپ, بيىل كەمى 1700 باس ءىرى قارا مالىن ساتىپ الۋ مەجەلەندى. بۇگىنگە دەيىن قوتانعا ءبىرجارىم مىڭنان استام مال قوسىلدى. «دۇيسەكە-جەر» شارۋا قوجالىعى 52 ميلليون تەڭگەگە 102 باس ابەردين انگۋس مالىن جەتكىزدى. «اگرو-سەۆەر» جشس تابىنداردى 300 باس مالمەن تولىقتىرىپ, رەپرودۋكتور شارۋاشىلىق قۇرۋعا نيەتتى.
پرەزيدەنت تاپسىرمالارىنىڭ ءبىرى – شاعىن جانە ورتا بيزنەسكە كەڭ قولداۋ كورسەتۋ, مەملەكەت-جەكەمەنشىك سەرىكتەستىك ءتاسىلىنىڭ تيىمدىلىگىن بارىنشا پايدالانۋ. 1028 كاسىپكەرلىك سۋبەكتىلەرىنە 3 مىڭنان استام ادام تۇراقتى جۇمىسقا تارتىلعان. جىل باسىنان بەرى 24 نىسان اشىلىپ, 51 جاڭا جۇمىس ورىندارى قۇرىلدى. «ءساندى رايىمبەك» جك تۇشپارا ءوندىرۋ تسەحىن ىسكە قوسسا, سوتسيال اۋىلىندا تىگىن, بىرلىك اۋىلىندا اعاش كەسۋ تسەحى پايدالانۋعا بەرىلدى. 3D كينوتەاترىن اشۋ ءۇشىن «عابدۋللين» جك-نە 2,5 ميلليون تەڭگە گرانت الدى. «تستو الفا» جشس 5 ميلليون تەڭگەمەن قارجىلاندىرىلىپ, تەحنيكالىق بايقاۋ ستانساسىن اشتى.
اۋداندا كورىكتى جەرلەر كوپ. سولاردىڭ ءبىرى ايۋتاس ماڭىنان جەكە كاسىپكەرگە 6 گەكتار جەر تەلىمى ءبولىنىپ, 160 ميلليون تەڭگەنىڭ بيزنەس-جوسپارى جاسالدى. ونداعى ماقسات – تۋريزم سالاسىن وركەندەتۋ.
اۋدان اكىمدىگى قىزمەتىنە 2012 جىلدىڭ 26 جەلتوقسانىندا كىرىستىم. ەكى ايدان كەيىن جۇرتشىلىق الدىندا العاش رەت ەسەپ بەردىم. كەلىپ تۇسكەن 70-تەن استام ساۋالداردىڭ دەنى الەۋمەتتىك-تۇرمىستىق ماسەلەلەرگە قاتىستى بولدى. ۇسىنىس-پىكىرلەر جيناقتالىپ, ورىندالۋى قاتاڭ باقىلاۋعا الىندى. اۋدان رەيتينگىنە كەرى اسەر ەتكەن فاكتورلاردىڭ ءبىرى بالاباقشالارمەن قامتۋ جايىن وڭ شەشۋ ماقساتىمەن سەرگەەۆكا مەكتەبىندەگى 25 ورىندى شاعىن ورتالىقتى 100 ورىنعا دەيىن كەڭەيتتىك. سونىڭ ارقاسىندا مەكتەپكە دەيىنگى مەكەمەلەرمەن قامتۋ دەڭگەيى 83 پايىزدان 92 پايىزعا دەيىن كوتەرىلدى. مەملەكەت-جەكەمەنشىك سەرىكتەستىك شەڭبەرىندە جەكە كاسىپكەرگە ءۇش قاباتتى ۇيدەن يەسىز قالعان پاتەرلەر بوساتىپ بەرىلدى. قازىر جوندەلۋ ۇستىندە. كەلەسى جىلى 75 ورىندى جەكەمەنشىك بالاباقشا بوي كوتەرەدى. ونىڭ ەكى توبى جەرگىلىكتى قازىنا ەسەبىنەن قارجىلاندىرىلادى. سوندا بالاباقشا ماسەلەسى تۇپكىلىكتى شەشىلەتىن بولادى.
كوپشىلىكتىڭ اۋداندىق ەمحانا عيماراتىن كۇردەلى ءجوندەۋدەن وتكىزۋ تۋرالى سۇرانىمى دا قاناعاتتاندىرىلدى. كىر جۋاتىن ورىنعا-17 ميلليون, فليۋروگرافيالىق كابينەتتى جابدىقتاۋعا- 2,8 ميلليون, نەۆرولوگيالىق بولىمشەنى قالپىنا كەلتىرۋگە-11,7 ميلليون تەڭگە جۇمسالدى. جاس ماماندارعا باسپانا بەرىلدى. دۆوينيكي–ولگينكا–اقانباراق–ستۋپينكا–سەميپولكا باعىتتارىنداعى جولداردى ءجوندەۋگە 28 ميلليون تەڭگە جۇمسالدى. ىشكى جولداردى قالپىنا كەلتىرۋگە جەرگىلىكتى بيۋدجەتتەن 23,7 ميلليون تەڭگە ءبولىندى. بۇل – الدىڭعى جىلعا قاراعاندا 5 ەسە كوپ. القاعاش, كوكتەرەك, ەڭبەك اۋىلدارىنىڭ تىرشىلىك نارىنە دەگەن مۇقتاجدىقتارى شەشىلدى. كەلەسى جىلدان باستاپ ءسۇت كلاستەرىن دامىتۋدى دا ويلاستىرىپ وتىرمىز. بۇل جوبا «سەرگەەۆكا ءسۇت ونىمدەرى» زاۋىتى نەگىزىندە جۇزەگە اسىرىلادى. بۇگىندە بانكتەن الىنعان 65 ميلليون تەڭگە جەڭىلدەتىلگەن نەسيەگە جاڭا قوندىرعىلار ورناتىلدى. وتكەن جىلعا قاراعاندا, تاۋلىكتىك ءسۇت جيناۋ مولشەرى ايتارلىقتاي ارتىپ, تۇرعىندارعا 108 ميلليون تەڭگە قولما-قول اقشا تولەندى. ءونىم تۇرلەرى ودان ءارى كوبەيتىلەدى.
بىلتىردان بەرى اۋدان اۋماعىندا «تنس-2020» جانە «ستەپنوە-2020» ءىرى اگروفيرمالار جۇمىس ىستەپ كەلەدى. وڭىردە 200 مىڭ گەكتاردان استام القاپقا استىق وسىرىلسە, 43 پايىزى وسى سەرىكتەستىكتەردىڭ ەنشىسىندە. بۇلار ءبىر كەزدەرى تۇرعىنداردى ەڭبەكاقىسىز, پاي ۇلەسىنسىز قالدىرعان «اسىلحان-اگرونىڭ» «اۋىر مۇراسىن» قابىلداپ العالى ءىس وڭعا باستى. ءبىرى 550, ەكىنشىسى 170 ادامدى جۇمىسپەن قامتىپ وتىر. 9 ايدا 2,2 ميلليارد تەڭگە ينۆەستيتسيا قۇيىپ, مىندەتتەمەنى 154 پايىزعا ورىندادى. تۇرمىسى تومەن وتباسىلاردى, از قامتىلعان جانداردى زەينەتكەرلەردى دە ۇنەمى قولداپ وتىرادى.
ارينە, قول جەتكەن جەتىستىكتەرگە استە توقمەيىلسۋگە بولمايدى. جاڭا جىلدا اتقارىلاتىن شارۋالار كوپ. سولاردىڭ بىرىنە ءالى وتكىر كۇيىندە تۇرعان جالاقى ماسەلەسىن قوسار ەدىك. ونىڭ ورتاشا مولشەرى 63 مىڭ تەڭگەدەن عانا اينالسا, اۋىل شارۋاشىلىعى سالاسىندا 47 مىڭ تەڭگەنىڭ توڭىرەگىندە. ءوسۋ ديناميكاسى بار, الايدا قاناعاتتانۋعا ەرتە. كەمى 80 مىڭ تەڭگەگە جەتكىزۋ مىندەتى تۇر. ول ءۇشىن ۇجىمدىق ەڭبەك كەلىسىمدەرىن جاساۋ, جەرگىلىكتى كاسىپوداقتار ىقپالىن كوتەرۋ شارالارىن قاراستىرۋدامىز. مال بورداقىلاۋ الاڭدارىن, اسىل تۇقىمدى رەپرودۋكتور شارۋاشىلىقتار قۇرۋ جايى دا جاڭا جىلدىڭ ەنشىسىندە.
جىلقى جىلىندا دا اۋداننىڭ الەۋمەتتىك-ەكونوميكالىق العا باسۋ, ىلگەرىلەۋ قارقىنى جالعاسا بەرەدى دەگەن ۇمىتتەمىز. ەڭ باستىسى, قازاقستانىمىز وركەندەپ, تانىمالدىعى ارتا بەرسىن دەمەكپىز!
مارات وماروۆ,
شال اقىن اۋدانىنىڭ اكىمى.
سولتۇستىك قازاقستان وبلىسى.