بيىل ەلىمىزدە وتباسىن قۇرعاندار سانى ارتقان

بىرگە تۇرعاندارىنا ءبىر جىل دا بولماعان 100 ەرلى-زايىپتىنىڭ بەسەۋى اجىراسىپ كەتكەن. ەڭ كوپ نەكە قالالاردا تىركەلگەن: 21,8 مىڭ. بۇل وتكەن جىلمەن سالىستىرعاندا 13,3%-عا ارتىق. اۋىلداردا نەكە سانى 14,1%-عا نەمەسە 10,5 مىڭعا دەيىن وسكەن.

قالا تۇرعىندارى اراسىندا اجىراسۋ ءجيى كەزدەسەدى: 3,6 مىڭ اجىراسۋ. بۇل وتكەن جىلدىڭ ءبىرىنشى توقسانىمەن سالىستىرعاندا 52,7%-عا از. اۋىل تۇرعىندارى اراسىندا اجىراسۋ 63,1%-عا نەمەسە 995-كە دەيىن ازايعان. قالالاردا اۋىلدارعا قاراعاندا 2 ەسە كوپ نەكە قيىلعان, ال اجىراسۋ 3,6 ەسە كوپ تىركەلگەن.

ەڭ كوپ نەكە الماتىدا تىركەلگەن: ەلىمىزدەگى نەكەنىڭ 12,4%-ى نەمەسە 4 مىڭ. بۇل وتكەن جىلمەن سالىستىرعاندا 9,8%-عا ارتىق.

ۇزدىك ۇشتىككە تۇركىستان (3,7 مىڭ نەكە) جانە الماتى (3,5 مىڭ نەكە) وبلىستارى ەندى. ەڭ ازى – سولتۇستىك قازاقستان وبلىسىندا: 700 نەكە, جىلدىق ءوسىم – 3,6%.

ال قوستاناي وبلىسىندا نەكە سانى ازايعان: 988. وتكەن جىلمەن سالىستىرعاندا 7,7%-عا از. نەكە سانىنىڭ ەڭ كوپ ءوسۋى ەلوردادا تىركەلدى: جىلىنا 32,8% نەمەسە 2,7 مىڭعا دەيىن. سونداي-اق اتىراۋ جانە اقتوبە وبلىستارىندا دا جوعارى ءوسىم تىركەلگەن. اجىراسقاندار سانى بويىنشا الماتى كوش باسىندا: 669 اجىراسۋ, وتكەن جىلمەن سالىستىرعاندا 52,4%-عا از. كەيىن تىزىمدە الماتى (478 اجىراسۋ) جانە قاراعاندى (446 اجىراسۋ) وبلىستارى تۇر. ەڭ از اجىراسۋ – قىزىلوردا وبلىسىندا: 97.

وسى جىلدىڭ ءبىرىنشى توقسانىنىڭ قورىتىندىسى بويىنشا ەلىمىزدىڭ بارلىق وڭىرىندە اجىراسۋ سانىنىڭ جىلدىق قىسقارۋى تىركەلگەن. 2020 جىلى 128,8 مىڭ ەر مەن سونشا ايەل نەكەسىن قيعان. ەرلەر اراسىندا 107,6 مىڭ ادام بۇرىن ۇيلەنبەگەن, 19,8 مىڭ ادام بۇرىن اجىراسقان, 1,3 مىڭ ادامنىڭ ايەلى بۇرىن قايتىس بولعان, 162 ەر ادام بۇرىن ۇيلەنگەن-ۇيلەنبەگەنىن كورسەتپەگەن.

ايەلدەر اراسىندا 109,5 ادام بۇرىن تۇرمىسقا شىقپاعان, 17,4 مىڭى اجىراسقان, 1,6 ايەل جەسىر, 392 ايەل بۇرىن تۇرمىسقا شىققان-شىقپاعانىن كورسەتپەگەن. ەرلەر اراسىندا 80,2 مىڭ ادام 29 جاسقا دەيىن, 20,6 مىڭ – 30-دان 34 جاسقا دەيىن, 9,2 مىڭ – 35-39 جاس ارالىعىندا ۇيلەنگەن. 18 جاسقا دەيىن 72 ەر ادام, زەينەتكەرلىك جاستاعى 2,8 مىڭ ادام نەكەسىن قيعان.