قازاقستان پرەزيدەنتى قاسىم-جومارت توقاەۆ Twitter-دە شەتەلدىك ينۆەستورلار كەڭەسىندە كوتەرىلگەن ماسەلەلەر تۋرالى پىكىرىن ءبىلدىردى, دەپ حابارلايدى Egemen.kz.
«شيكىزاتتىق ەمەس ەكسپورتتى دامىتۋعا ارنالعان شەتەلدىك ينۆەستورلار كەڭەسىنىڭ وتىرىسىن وتكىزدىم. ەكونوميكانى قايتا قالپىنا كەلتىرۋدى ەسكەرە وتىرىپ, تسيفرلىق جانە «جاسىل» تەحنولوگيالاردى ەنگىزۋمەن, جاڭا ەكسپورت نارىقتارىن يگەرۋمەن جانە كولىك الەۋەتىن دامىتۋمەن اينالىسۋ قاجەت», دەپ جازدى مەملەكەت باسشىسى.