پرەزيدەنت قاسىم-جومارت توقاەۆ شەتەلدىك ينۆەستورلار كەڭەسىنىڭ وتىرىسىندا پاندەميا كەزىندە شەتەلدىك ينۆەستيتسيانىڭ كومىگىمەن 7000-نان استام جۇمىس ورنى اشىلعانىن اتادى, دەپ حابارلايدى Egemen.kz.
«پاندەميا كەزىندە قازاقستاننىڭ شيكىزاتتىق ەمەس تاۋارلار ەكسپورتى 15 ملرد دوللاردى قۇراپ, مەيلىنشە از – 2,8 پايىزعا قىسقارعانى قۋانتادى. وسىناۋ داعدارىس جىلىندا ءبىز 18 ملرد دوللاردان استام تىكەلەي شەتەلدىك ينۆەستيتسيا تارتا الدىق. بىلتىر شەتەلدىك قاتىسۋمەن وڭىرلەردە جالپى سوماسى 1,6 ملرد دوللار بولاتىن 41 ينۆەستيتسيالىق جوبا قولعا الىندى. 7000-نان استام جۇمىس ورنى قۇرىلدى.
الەم ەكونوميكاسى قالپىنا كەلە باستاعان كەزدە قازاقستان دا ەكونوميكالىق ءوسىم قارقىنىڭ ارتتىرىپ جاتىر. ءبىزدىڭ ۇكىمەتتىڭ بولجامى بويىنشا, بۇل ءوسىم 3,5 پايىز بولۋى مۇمكىن. بۇدان جوعارى ىقتيمال قارقىن كۇتىپ وتىرمىز», دەدى مەملەكەت باسشىسى.