وتىز جىل قىزىل پاسپورتپەن جۇرگەن

وسى جىلداردا ول مولدوۆا رەس­پۋبلي­كاسىندا تۇرىپ كەلگەن. پيۆەن دەگەن ازا­ماتقا قازاق­­ستاندا كۇيەۋگە شىققان ول مول­دوۆاعا 1991 جىلى كەل­گەن. الايدا مولدوۆا رەسپۋب­ليكاسىنىڭ ازاماتتىعىن الا الماعان, ويتكەنى ول قازاقستان ازاماتى بولىپ ەسەپتەلگەن. ال كەلمەسكە كەتكەن كەڭەس وداعى­نىڭ قىزىل پاسپورتىمەن تۋعان جەرىنە قايتىپ جەتە الماعان. سولاي اي ارتىنان اي, جىل ارتىنان جىل جىلجىپ, ۋاقىت وتە بەرگەن. ال ءبىلىمى تومەن, ناقتى كاسىبى جوق, بۇرىن ساۋىنشى بولىپ ىستەگەن ايەل بۇعان اسا قايعىرا قويماعان.

تەك زەينەتاقى الۋدىڭ قامى­مەن 2020 جىلعى قاراشا ايىندا ول مولدوۆا وكى­مەتىنە جۇگىنىپ, ءوزىن ازاماتتىعى جوق ادام دەپ­ تانۋدى وتىنگەن. الايدا مول­دو­ۆانىڭ زاڭى بويىنشا ونىڭ ءوتىنىشى ورىن­دالماعان. اقى­رىندا ونى جەرگىلىكتى پولي­تسيا تۋعان جەرى – قازاقستانعا دەپور­تاتسيالاعان. ءبىزدىڭ پوليتسيا ۇزاق ۋاقىت تەكسەرىپ, رايسا پيۆەننىڭ ەشقانداي قىلمىستىق ارەكەتتەرگە قاتىسى جوقتىعىن انىق­تاعاننان كەيىن 1974 جىلى بەرىلگەن قىزىل پاسپورتتى جو­يىپ, ­قازاقستان ازاماتىنىڭ جەكە كۋالىگىن تاپ­سىردى. قازىر ايەل­دىڭ قۋانىشىندا شەك جوق. ونىڭ تۋعان جەرىندە تۋعان ءسىڭ­لىسى تۇرادى ەكەن. ازىرگە سونىڭ ۇيىنە قونىستانعان.

اقىل-ەسى ءبۇتىن بولسا دا پاس­پورتسىز جۇرە بەرگەن وسىنداي ادامدار دا بولادى ەكەن قو­عام­دا. رايسا پيۆەن تاۋەلسىز قازاق­ستانعا ەشقانداي ەڭبەك سىڭىر­مەسە دە, 1991 جىلعا دەيىن وسىندا تۇرعانى ەسكەرىلىپ, تمد-عا مۇ­شە ەلدەردىڭ ءوزارا كەلىسىمى بو­يىن­شا وعان كەلەسى ايدان باس­تاپ زەي­نەتاقى تاعايىندالعان. ءبىر كەزدە قازاقستاندىق بولعان ازاماتقا وسىنداي قامقورلىق جاسالىپ وتىر.

سولتۇستىك قازاقستان وبلىسى