بۇل كۇندەرى شۆەيتساريانىڭ لوزاننا قالاسىندا ساداق اتۋدان الەم كۋبوگىنىڭ كەزەڭدىك سايىسى وتۋدە.
23 مامىرعا دەيىن سوزىلاتىن ءدۇبىرلى دودادا قازاقساننىڭ تۋى استىندا جەتى سپورتشى باق سىناۋدا. سولاردىڭ ءبىرازى جارىس جولىنا شىعىپ تا ۇلگەردى. وكىنىشكە قاراي, العاشقى كۇنى مەرگەندەرىمىز ءمۇلت كەتتى. جەرلەستەرىمىزدىڭ اراسىنان ەڭ ۇزدىك كورسەتكىشكە دەنيس گانكين قول جەتكىزدى. ول 21 ورىندى يەلەندى. ال سانجار مۇساەۆ (51 ورىن), يلفات ابۋللين (58 ورىن) جانە سۇلتان دۇزەلباەۆتىڭ (73 ورىن) كورسەتكىشتەرى ودان دا ناشار بولدى.
سول سەكىلدى قىزدارىمىز دا ورەلى ونەرىمەن ءوز جانكۇيەرلەرىن قۋانتا المادى. الينا ءىلياسوۆا – 37, فاريدا تۇكەباەۆا – 40 جانە اناستاسيا باننوۆا 42 ساتىلارعا جايعاستى.