• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ANTIKOR 19 ءساۋىر, 2021

شپەكباەۆتىڭ قاقپانى: انتيكوردىڭ ەكس-باسشىسى قانشا جەمقوردىڭ ءىسىن اشكەرەلەدى؟

3350 رەت
كورسەتىلدى

وتكەن اپتادا سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى قىزمەتىنەن بوساتىلعان اليك شپەكباەۆ بۇل قىزمەتتى ءۇش جارىم جىلعا جۋىق اتقارعان ەدى. جەمقورلىققا قارسى جۇيەدە باس-اياعى التى جىلدان استام ۋاقىت جۇمىس ىستەگەن ول جاۋاپتى لاۋازىمدا وتىرىپ جەمقورلىقپەن كۇرەسۋگە ايتارلىقتاي كۇش جۇمسادى, دەپ جازادى Egemen.kz قازاقستاندىق Forbes-قا سىلتەمە جاساپ. 

اليك شپەكباەۆ 2017 جىلدىڭ سوڭىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى قىزمەتىنە كەلەدى. 2018 جىلدىڭ ماۋسىم ايىندا ول 32 شەنەۋنىكتىڭ جەمقورلىققا قاتىسى بارىن انىقتاپ, قاماۋعا الىنعانىن حابارلادى. ولاردىڭ 15-ءى مەملەكەتتىك ورگانداردىڭ ءبىرىنشى باسشىلارى, ونىڭ ىشىندە بەسەۋى رەسپۋبليكالىق ماڭىزى بار باسشىلار. اينالدىرعان ءبىر جىلدىڭ ىشىندە 700 لاۋازىمدى شەنەۋنىكتىڭ قاتىسۋىمەن سىبايلاس جەمقورلىق فاكتىلەرىن انىقتاپ, جاۋاپقا تارتتى.

«ولاردىڭ اراسىندا ەنەرگەتيكا ۆيتسە مينيسترلەرى, سىرتقى ساياسات دەپارتامەنتىنىڭ جاۋاپتى حاتشىسى, اۋىل شارۋاشىلىعى مينيسترلىگى كوميتەتتەرىنىڭ توراعاسى مەن توراعا ورىنباسارى, ۇلتتىق كومپانيالاردىڭ توپ-مەنەدجەرلەرى, قۇقىق قورعاۋ ورگاندارىنىڭ باسشىلارى, سونداي-اق ءتۇرلى دەڭگەيدەگى سۋديالار», دەدى شپەكباەۆ.

«تاربيەسىزدىك پەن تويىمسىزدىق تۇرمەگە جەتەلەيدى, ال قاناعات قارىن تويعىزادى», دەگەن ۇرانداعى اليك شپەكباەۆ 2019 جىلدىڭ 1-قاراشاسىنا دەيىن 1028 شەنەۋنىكتى جەمقورلىققا قاتىسى بار 1028 شەنەۋنىكتى انىقتادى.

سىبايلاس جەمقورلىق ءۇشىن اسىرەسە پاندەميا ۋاقىتى جەمىستى بولدى. ءبىر جىلدىڭ ىشىندە 25 اۋىر جانە 1368 قىلمىستىڭ جولىنا تۇساۋ سالىندى, سونداي-اق جۇيەلىك سىبايلاس جەمقورلىقتىڭ 112 فاكتىسى انىقتالدى. دەرەكتەرگە سۇيەنەر بولساق, 2020 جىلدىڭ قاڭتار ايىندا پاۆلودار وبلىسىنىڭ اكىمى بولات باقاۋوۆ «تۋىسىنىڭ مۇددەسى ءۇشىن» ارەكەت ەتىپ, «اقسۋترانسلوگيستيك» جشس-نە تيەسىلى بولدى, ياعني باسقا ادامدار مەن ۇيىمدارعا بىرنەشە رەت زاڭسىز تۇردە ارتىقشىلىقتار مەن ءوز مۇددەسىن جۇرگىزۋدى كوزدەگەن. وزىنە بەرىلگەن قۇقىقتار مەن وكىلەتتىلىكتەر شەڭبەرىنەن شىعىپ, پاۆلودار وبلىسى بويىنشا مەملەكەتتىك كىرىستەر باسقارماسىنىڭ لاۋازىمدى ادامدارىنان تەكسەرۋدىڭ شىنايى ناتيجەسىن جاسىرىپ قالۋدى تاپسىرعان ەدى. الايدا, ەكس-اكىمنىڭ قىلمىسىنىڭ بارلىعى اشكەرەك بولىپ, ءومىر بويىنا مەملەكەتتىك قىزمەتتە ىستەۋگە تىيىم سالىنىپ جانە 3,5 جىلعا باس بوستاندىعىنان ايىرۋ جازاسى تاعايىندالدى.

وتكەن جىلدىڭ ناۋرىز ايىندا قىزىلوردا وبلىسىنىڭ اكىمى قۋانىشبەك ىسقاقوۆ ءۇي قاماعىنا جىبەرىلدى. ۋاقىت وتە كەلە ىسقاقوۆتىڭ دا جاسىرعان قىلمىستارى اشىلا باستادى, ارىس قالاسىنداعى پوليگونداعى جارىلىستاردان كەيىن قالانى قالپىنا كەلتىرۋگە قايىرىمدىلىق رەتىندە بەرىلگەن 80 ميلليون تەڭگەنى جىمقىردى دەگەن ايىپ تاعىلىپ جەتى جىلعا باس بوستاندىعىنان ايىرىلدى.

اليك شپەكباەۆ كادر رەزەرۆىنە اسا ۇقىپتىلىقپەن, جاۋاپكەرشىلىكپەن قارايدى. اگەنتتىك جۇمىسىنا جاسامپاز, جاڭاشىل جاستاردى تارتۋ باسىمدىققا يە ەكەندىگىن اۋەل باستان ايتاقن ەدى. بىلتىر اگەنتتىكتى قايتا قۇرۋ بارىسىندا مەريتروكراتيا قاعيداتىنا سايكەس جۇزدەن اسا قىزمەتكەرى جوعارى لاۋازىمدارعا تاعايىنداپتى. سونىمەن قاتار 2018 جىلدىڭ تامىز ايىنىڭ سوڭىندا شپەكباەۆ ءوزىنىڭ facebook پاراقشاسىندا وفيتسەرلەردىڭ رەسمي جالاقىسى 62%-عا, 300-350 مىڭ تەڭگەگە كوتەرىلگەنىن جازعان ەدى, سونداي-اق باسشىلىق لاۋازىمداردىڭ قىسقارىپ, بۇرىنعىداي ءبىر باسشىعا ەكى باعىنۋشى ەمەس, جەتەۋ كەلەتىنىن دە ايتقان.

قورىتا كەلگەندە شپەكباەۆتىڭ كەزىندە قازاقستان سىبايلاس جەمقورلىققا قارسى مەملەكەتتەر توبىنا (گرەكو)- ەۋروپا كەڭەسى شەڭبەرىندەگى باستاماعا مۇشە بولىپ قوسىلدى, ونىڭ ماقساتى – مەملەكەتتەردەگى سىبايلاس جەمقورلىققا قارسى كۇرەس ادىستەرىن جەتىلدىرۋ جانە بازا قۇرىپ, ءبىر-بىرىمەن تاجىريبە الماساتىن ورىن بولىپ سانالادى.

گاۋحار قاپاش

سوڭعى جاڭالىقتار