رەجيسسەر ءادىلحان ەرجانوۆتىڭ «سارى مىسىق» كوركەم ءفيلمى گەرمانيانىڭ ۆيسبادەن قالاسىندا 2021 جىلدىڭ 20-26 ءساۋىرى ارالىعىندا ونلاين وتەتىن 21-ءشى ورتالىق جانە شىعىس ەۋروپا goEast كينوفەستيۆالىنىڭ شىمىلدىعىن اشادى.
«Short Brothers» (قازاقستان), «قازاقفيلم» جانە Arizona Productions (فرانتسيا) كومپانيالارىنىڭ قاتىسۋىمەن «Zerde Films» (قازاقستان) كومپانياسى تۇسىرگەن «سارى مىسىق» ءفيلمى بۇرىنعى قىلمىستىق ءومىرىن ءبىرجولا تاستاپ, ءوز كينوتەاترىن سالۋدى ارماندايتىن كەرمەك ەسىمدى جىگىتتىڭ وقيعاسىن باياندايدى.
ايتا كەتۋ كەرەك, فەستيۆال اياسىندا كونكۋرستىق باعدارلامادا ءا.ەرجانوۆتىڭ قىسقا مەتراجدى «باقىتجامال» (2007 ج.) جانە «ۇلبولسىن» (2020 ج.) كوركەم فيلمدەرى كورسەتىلەدى. بيىل فەستيۆالعا بارلىعى 92 كارتينا قاتىسادى.
goEast كينوفەستيۆالىن 2001 جىلى نەمىس كينو ينستيتۋتىنىڭ ديرەكتورى كلاۋديا ديللمان قۇردى. فەستيۆالدىڭ نەگىزگى مىندەتتەرى – ورتالىق جانە شىعىس ەۋروپا ەلدەرىنىڭ مادەني دامۋى تۋرالى ءبىلىم دەڭگەيىن ارتتىرۋ, سونىمەن قاتار ءارتۇرلى كينو مەكتەپتەرى اراسىنداعى ديالوگتى تەرەڭدەتۋگە ۇلەس قوسۋ. فەستيۆالدى 2017 جىلدان بەرى حەلەن گەرريتسەن باسقارادى.